മാളികപ്പുറം സിനിമ വിജയകരമായി തിയേറ്ററിൽ പ്രദർശനം തുടരുന്നതിനിടെ മറ്റൊരു സന്തോഷവാർത്ത അറിയിച്ച് ഉണ്ണിമുകുന്ദൻ. മാളികപ്പുറം സിനിമ ഇനി കടൽ കടന്ന് യുകെയിലേക്ക് എത്തുന്നു. ജനുവരി 13ന് യുകെയിലെ തീയറ്ററുകളിൽ പ്രദർശിപ്പിക്കാനാണ് തീരുമാനം എന്ന് ഉണ്ണി മുകുന്ദൻ അറിയിച്ചു.
കല്ലു എന്ന എട്ടുവയസ്സുകാരി കല്യാണിയുടെയും അവളെന്നും സ്വപ്നം കണ്ടുണരുന്ന അവളുടെ ഇഷ്ടമൂർത്തിയായ അയ്യപ്പന്റെയും കഥയാണ് മാളികപ്പുറം പറയുന്നത്. തന്റെ ഇഷ്ടദേവനെ കാണാൻ വേണ്ടി കല്ലു തന്റെ കളിക്കൂട്ടുകാരനുമായി യാത്ര പോകുന്നതും യാത്രയിൽ അവർ നേരിടുന്ന വെല്ലുവിളികളും ആണ് കഥാവിഷയം.
2022 ഡിസംബർ 30 വെള്ളിയാഴ്ചയാണ് മാളികപ്പുറം തിയേറ്ററുകളിൽ റിലീസിന് എത്തിച്ചത്. ചിത്രത്തിന്റെ സംവിധാനം നവാഗതനായ വിഷ്ണു ശശി ശങ്കർ ആണ് നിർവഹിച്ചിരിക്കുന്നത്. ഉണ്ണി മുകുന്ദാണ് കേന്ദ്ര കഥാപാത്രമായി എത്തുന്നത്.