കുടുംബപ്രേക്ഷകരുടെ പ്രിയ സംവിധായകനായ സത്യൻ അന്തിക്കാടിൻറെ ചിത്രത്തിൽ മോഹൻലാൽ നായകനായി വീണ്ടും എത്തുന്നു. ഇത് സംബന്ധിച്ച് സത്യൻ അന്തിക്കാട് തന്നെയാണ് വെളിപ്പെടുത്തൽ നടത്തിയത്. തന്റെ അടുത്ത സിനിമ മോഹൻലാലിനെ നായകനാക്കിയുള്ളതാണെന്ന് സത്യൻ അന്തിക്കാട് വെളിപ്പെടുത്തിയിരുന്നു.
പാൻ ഇന്ത്യൻ ഒന്നമുല്ല, ജീവിത ഗന്ധിയായ കഥയായിരിക്കും മോഹൻലാലിനെ നായകനാക്കി ആലോചിക്കുന്നത്. അടുത്ത കാലത്ത് നേര് എന്നൊരു സിനിമ വൻ വിജയമായത് കാണിക്കുന്നത് നമ്മളിൽ ഒരാളായി മോഹൻലാലിനെ കാണാൻ എല്ലാവരും ആഗ്രഹിക്കുന്നു എന്നതാണ്. ആന്റണി പെരുമ്പാവൂർ നിർമ്മിക്കുന്ന തന്റെ ചിത്രത്തിന്റെ ആലോചനയിലേക്ക് കടന്നിട്ടുണ്ടെന്നും കുറഞ്ഞത് നാല് മാസമെങ്കിലും ഉണ്ടായാൽ മാത്രമെ തുടങ്ങാനാവൂ എന്നും സത്യൻ അന്തിക്കാട് പറഞ്ഞു. എന്നും എപ്പോഴും എന്ന സിനിമയാണ് മോഹൻലാലിനെ നായകനാക്കി സത്യൻ അന്തിക്കാട് സംവിധാനം ചെയ്ത് പുറത്തിറങ്ങിയ അവസാന ചിത്രം. മഞ്ജു വാര്യരായിരുന്നു ചിത്രത്തിൽ മോഹൻലാലിന്റെ നായികയായി എത്തിയത്. ചിത്രത്തിൽ ഇന്നസെന്റും ഒരു പ്രധാന വേഷത്തിൽ എത്തിയിരുന്നു.
സംവിധായകൻ സത്യൻ അന്തിക്കാടിന്റേതായി ഒടുവിലെത്തിയ ചിത്രം മകൾ ആയിരന്നു. മീര ജാസ്മിനും ജയറാമും ആണ് ചിത്രത്തിൽ പ്രധാന വേഷത്തിൽ എത്തിയത്. മമ്മൂട്ടിയെ നായകനാക്കി ഒരു ചിത്രം സംവിധായകൻ സത്യൻ അന്തിക്കാട് ആലോചിച്ചിരുന്നു. എന്നാൽ ചിത്രം ഉപേക്ഷിച്ചതായിട്ടാണ് റിപ്പോർട്ടുകൾ.