വലിയ വിജയമായി മാറിയ ചിത്രം ‘മാളികപ്പുറം’ (Malikappuram) ഒടിടി റിലീസ് പ്രഖ്യാപിച്ചു. പ്രമുഖ ഒടിടി പ്ലാറ്റ്ഫോം ആയ ഡിസ്നി പ്ലസ് ഹോട്ട്സ്റ്റാറിലൂടെയാണ് ചിത്രം സ്ട്രീം ചെയ്യുക. എന്നാല് ഉടന് എത്തും എന്ന അറിയിപ്പല്ലാതെ കൃത്യമായ റിലീസ് തീയതി പുറത്തുവിട്ടിട്ടില്ല. ഉണ്ണി മുകുന്ദനെ നായകനാക്കി വിഷ്ണു ശശിശങ്കര് സംവിധാനം ചെയ്ത് ആന്റോ ജോസഫും വേണു കുന്നപ്പള്ളിയും ചേര്ന്ന് നിര്മ്മിച്ച ചിത്രം അടുത്തിടെ 100 കോടി ക്ലബ്ബില് ഇടംനേടിയിരുന്നു.
ഭക്തിയുടെ വഴിയേ സഞ്ചരിക്കുന്ന എന്റര്ടെയ്നര് ഡിസംബര് 30നാണ് ചിത്രം തിയേറ്ററുകളിലെത്തിയത്. യുഎഇ, ജിസിസി മേഖലകളിലും മികച്ച പ്രതികരണം ലഭിച്ച ചിത്രം ജനുവരി 5നാണ് ചിത്രം യുഎഇ, ജിസിസി രാജ്യങ്ങളില് റിലീസ് ചെയ്തത്. ഇതോടെ ഉണ്ണി മുകുന്ദന്റെ കരിയറിലെ ഏറ്റവും വലിയ ഹിറ്റായി ‘മാളികപ്പുറം’ മാറി.
എട്ടു വയസ്സുകാരി കല്യാണിയുടെയും അവളുടെ സൂപ്പര്ഹീറോ ആയ അയ്യപ്പന്റെയും കഥയാണ് ‘മാളികപ്പുറം’ എന്ന ചിത്രം പറയുന്നത്. അഭിലാഷ് പിള്ളയുടേതാണ് തിരക്കഥ. ചിത്രത്തിന്റെ ഛായാഗ്രഹണം നിര്വഹിക്കുന്നത് വിഷ്ണു നമ്പൂതിരിയാണ്. സംഗീതം രഞ്ജിന് രാജ്. കാവ്യ ഫിലിം കമ്പനി, ആന് മെഗാ മീഡിയ എന്നീ ബാനറുകളില് പ്രിയ വേണു, നീത പിന്റോ എന്നിവരാണ് ചിത്രത്തിന്റെ നിര്മ്മാണം. സൈജു കുറുപ്പ്, ഇന്ദ്രന്സ്, മനോജ് കെ ജയന്, രമേശ് പിഷാരടി, സമ്പത്ത് റാം, ദേവനന്ദ, ശ്രീപദ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. കാവ്യ ഫിലിം കമ്പനി, ആന് മെഗാ മീഡിയ എന്നിവയുടെ ബാനറില് പ്രിയ വേണു, നീറ്റ പിന്റോ എന്നിവര് ചേര്ന്നാണ് ചിത്രം നിര്മിച്ചിരിക്കുന്നത്. ചിത്രീകരണ വേളയില് പന്തളം രാജകുടുംബാംഗങ്ങള് ലൊക്കേഷന് സന്ദര്ശിക്കുകയും എല്ലാ പിന്തുണയും ഉറപ്പ് നല്കുകയും ചെയ്തിരുന്നു.