ഈദ് അൽ ഫിത്തറിന് മുന്നോടിയായി ദുബായിലെ സർക്കാർ ജീവനക്കാർക്ക് മാർച്ചിലെ ശമ്പളം നേരത്തെ വിതരണം ചെയ്യാൻ ഉത്തരവിട്ട് ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം. കിരീടാവകാശിയുടെ നിർദ്ദേശം അനുസരിച്ച് ഈ മാസം 17-ന് തന്നെ ജീവനക്കാരുടെ അക്കൗണ്ടുകളിൽ ശമ്പളമെത്തും.
പെരുന്നാൾ ആഘോഷങ്ങൾക്കായി ജീവനക്കാർക്കും അവരുടെ കുടുംബങ്ങൾക്കും വേണ്ട ഒരുക്കങ്ങൾ മുൻകൂട്ടി പൂർത്തിയാക്കാനും പെരുന്നാൾ ആഘോഷിക്കാൻ അവസരം നൽകുക എന്നതുമാണ് ഈ നീക്കത്തിന്റെ ലക്ഷ്യം.