വിമാന അറ്റകുറ്റപ്പണികൾ നടക്കുന്നതിനാൽ ദുബായ് – ഇന്ത്യ ഉൾപ്പെടെയുള്ള അന്തർദേശീയ വിമാന സർവീസുകൾ റദ്ദാക്കി എയർ ഇന്ത്യ. തകരാറുകൾ പരിശോധിക്കാനും സാങ്കേതിക കാരണങ്ങളാലുമാണ് സർവീസുകൾ റദ്ദാക്കിയതെന്ന് എയർ ഇന്ത്യ അറിയിച്ചു. ദുബായിൽ നിന്നും ചെന്നൈയിലേക്കുള്ള AI906, ദുബായിൽ നിന്നും ഹൈദരാബാദിലേക്കുള്ള AI2204 വിമാനങ്ങൾ റദ്ദ് ചെയ്തിരിക്കുന്ന സർവീസുകളിൽ ഉൾപ്പെട്ടിട്ടുള്ളതായി എഎൻഐ റിപ്പോർട്ട് ചെയ്തു.
ഡൽഹി-മെൽബൺ AI308, പൂനെ-ഡൽഹി AI874, അഹമ്മദാബാദ്-ഡൽഹി AI456, ഹൈദരാബാദ്-മുംബൈ AI-2872, ചെന്നൈ-മുംബൈ AI571 വിമാന സർവീസുകളും റദ്ദാക്കിയിട്ടുണ്ട്. അഹമ്മദാബാദിൽ കഴിഞ്ഞയാഴ്ചയുണ്ടായ എയർ ഇന്ത്യ വിമാന അപകടത്തെ തുടർന്നുള്ള സുരക്ഷാ പരിശോധനകളും സാങ്കേതിക തടസ്സങ്ങളും ചൂണ്ടിക്കാട്ടി അടുത്ത കുറച്ച് ആഴ്ചകളിലേക്ക് അന്താരാഷ്ട്ര വിമാന സർവീസുകൾ 15 ശതമോനത്തോളം വെട്ടിക്കുറക്കുമെന്ന് എയർ ഇന്ത്യ അറിയിച്ചിരുന്നു.