ഷാർജ ചിൽഡ്രൻസ് റീഡിംഗ് ഫെസ്റ്റിവലിന്റെ ഭാഗമായി കുട്ടികളുമായി സംവദിച്ച് ഈജിപ്ഷ്യൻ ഗായകൻ അലി അൽ അൽഫി . പ്രേക്ഷകർക്ക് മുന്നിൽ എങ്ങനെ പാടണമെന്ന് മാത്രമല്ല എങ്ങനെ ആത്മവിശ്വാസത്തോടെ അവതരിപ്പിക്കണമെന്നും അലി അൽ ആൽഫി കുട്ടികളെ പരിശീലിപ്പിച്ചു. ശ്വാസം പിടിച്ചു വയ്ക്കാനുള്ള കഴിവ് വളർത്തുക, ശബ്ദം സുന്ദരമാക്കാനുള്ള വ്യായാമങ്ങൾ പരിശീലിപ്പിക്കുക, മൈക്ക് ഉപയോഗിക്കുന്നതിന്റെ രീതികൾ പഠിപ്പിക്കുക എന്നിവയാണ് പ്രധാനമായും കുട്ടികളെ പരിശീലിപ്പിച്ചത്.
“വേദിയിൽ ബുദ്ധിമുട്ടുന്ന മികച്ച ശബ്ദങ്ങളുള്ള നിരവധി ഗായകരുണ്ട്. സ്വയം പാടുന്നതും ഒരു ജനക്കൂട്ടത്തിന് മുന്നിൽ അവതരിപ്പിക്കുന്നതും തമ്മിലുള്ള വ്യത്യാസത്തെ അടിസ്ഥാനമാക്കിയാണ് എന്റെ വർക്ക്ഷോപ്പ് നിർമ്മിച്ചിരിക്കുന്നത്, ”കുട്ടികളെ ലജ്ജ മറികടക്കാനും അവരുടെ ശ്രോതാക്കളുമായി ബന്ധപ്പെടാനും സഹായിക്കുന്നതിൽ ശ്രദ്ധ കേന്ദ്രീകരിച്ച അൽ ആൽഫി പറഞ്ഞു. മൂന്ന് ദിവസങ്ങളിലായി തുടർച്ചയായ ആറ് സെഷനുകളിലൂടെ, ആൽ ആൽഫി സ്വന്തം അനുഭവവും ഗവേഷണവും ഉപയോഗിച്ച് കഴിവും വേദിയിലെ സാന്നിധ്യവും തമ്മിലുള്ള മറഞ്ഞിരിക്കുന്ന ബന്ധം കുട്ടികൾക്ക് മുന്നിൽ വെളിപ്പെടുത്തി.
സ്റ്റേജ് പെർഫോർമൻസിന് മുന്നേയുള്ള റിഹേഴ്സലിൻ്റെ പ്രാധാന്യം എന്ന വിഷയത്തിൽ കുട്ടികൾക്ക് സംഘടിപ്പിച്ച വർക്ക്ഷോപ്പിൽ സംവദിക്കുകയായിരുന്നു അദ്ദേഹം. തൽസമയ സിങ്ങിങ് ടെക്നിക്കുകൾ, വേദിയിലെത്തുന്നതിന് മുമ്പുള്ള തയ്യാറെടുപ്പുകൾ തുടങ്ങി പല കാര്യങ്ങളിലും കുട്ടികളുടെ സംശയങ്ങൾക്ക് അദ്ദേഹം മറുപടി നൽകി.
12 ദിവസങ്ങളിലായി നടക്കുന്ന വായനോത്സവത്തിൽ 600ലേറെ ശിൽപശാലകളും സാംസ്കാരിക പരിപാടികളും അരങ്ങേറും. 22 രാജ്യങ്ങളിൽനിന്നായി 122 അറബ്- അന്താരാഷ്ട്ര പുസ്തക പ്രസാദകരാണ് മേളയിൽ പ്രദർശനത്തിനെത്തിയിരിക്കുന്നത്. 70 രാജ്യങ്ങളിൽനിന്നായി 133 അതിഥികളും 10,24 പരിപാടികളിലായി പങ്കെടുക്കും. കൂടാതെ രാജ്യാന്തര എഴുത്തുകാരും ചിന്തകരും ഉൾപ്പെടെ 50ലേറെ പ്രഗല്ഭർ നയിക്കുന്ന 50ലധികം ശിൽപശാലകളുമുണ്ടാകും.
വായനോത്സവത്തിലേക്ക് സ്കൂൾ വിദ്യാർഥികൾക്ക് പ്രത്യേക സമയം അനുവദിച്ചിട്ടുണ്ട്. പ്രവേശനം സൗജന്യമാണ്. മേയ് നാലിന് വായനോത്സനം സമാപിക്കും. തിങ്കൾ മുതൽ വ്യാഴം വരെ രാവിലെ ഒമ്പതു മുതൽ രാത്രി എട്ടുമണിവരെയും വെള്ളിയാഴ്ച വൈകീട്ട് നാലു മുതൽ രാത്രി ഒമ്പതുമണിവരെയും ശനി, ഞായർ ദിവസങ്ങളിൽ രാവിലെ ഒമ്പതു മുതൽ രാത്രി ഒമ്പതു വരെയുമാണ് സന്ദർശന സമയം.