വയനാട് മുണ്ടക്കൈ-ചൂരല്മല പുനരധിവാസത്തിന് 529.50 കോടി രൂപയുടെ പലിശ രഹിത വായ്പ അനുവദിച്ച് കേന്ദ്രസര്ക്കാര്. വായ്പയായാണ് 529.50 കോടി രൂപ അനുവദിക്കുക. പുനർനിർമ്മാണത്തിനായി സമർപ്പിച്ച16 പ്രോജക്ടുകൾക്കാണ് സഹായം. സംസ്ഥാനങ്ങൾക്കുളള മൂലധന നിക്ഷേപ സഹായത്തിൽ ഉൾപ്പെടുത്തിയാണ് വായ്പ അനുവദിച്ചത്. ടൌൺഷിപ്പിലെ പൊതു കെട്ടിടങ്ങൾ റോഡുകൾ, ദുരന്തമേഖലയിലെ പുഴയുടെ ഒഴുക്ക് ക്രമീകരിക്കൽ, സ്കൂൾ നവീകരണം തുടങ്ങിയ പദ്ധതികൾക്കാണ് സഹായം അനുവദിച്ചത്.
ഈ സാമ്പത്തിക വർഷം നിർമ്മാണം തുടങ്ങണമെന്നാണ് നിബന്ധന. സംസ്ഥാനങ്ങള്ക്കുള്ള മൂലധന നിക്ഷേപ സഹായത്തില് ഉള്പ്പെടുത്തിയാണ് വായ്പ അനുവദിച്ചിരിക്കുന്നത്. വായ്പയ്ക്ക് പലിശ നല്കേണ്ടതില്ല. വായ്പ തിരിച്ചടവിന് 50 വര്ഷത്തെ സാവകാശം നല്കിയിട്ടുണ്ട്.
നേരത്തെ 2000 കോടി രൂപയുടെ പ്രത്യേക പാക്കേജായിരുന്നു മുണ്ടക്കൈ-ചൂരൽമല പുനരധിവാസത്തിനായി കേരളം ആവശ്യപ്പെട്ടിരുന്നത്. സംസ്ഥാന ബജറ്റില് പുനരധിവാസത്തിനായി കൂടുതല് പ്രഖ്യാപനങ്ങള് ഉണ്ടാകുമെന്നായിരുന്നു പ്രതീക്ഷ. പക്ഷെ മുന്പ് മന്ത്രിസഭ യോഗം അംഗീകാരം നല്കിയ തുകമാത്രമാണ് ബജറ്റില് ധനമന്ത്രി നീക്കിവെച്ചത്. പുനധിവാസം സമയബന്ധിതമാണ് പൂർത്തിയാക്കുമെന്ന ഉറപ്പും ധനമന്ത്രി നൽകിയിട്ടുണ്ട്.