മുംബെെയിൽ ഗേറ്റ്വേ ഓഫ് ഇന്ത്യയ്ക്ക് സമീപം നാവികസേനയുടെ സ്പീഡ് ബോട്ടും ഫെറിയും കൂട്ടിയിടിച്ച് 13 പേർ മരിച്ചു. മുംബൈ തീരത്ത് ബുധനാഴ്ച 110 പേരുമായി പോയ ബോട്ടിൽ നാവികസേനയുടെ സ്പീഡ് ബോട്ട് ഇടിച്ച് മറിഞ്ഞാണ് മൂന്ന് നാവികസേനാംഗങ്ങളും 10 സാധാരണക്കാരും ഉൾപ്പെടെ 13 പേർ മരിച്ചത്. രക്ഷപ്പെടുത്തിയ 108 പേരിൽ നാല് പേരുടെ നില ഗുരുതരമാണ്. നിരവധിപേർക്കുള്ള തിരച്ചിൽ ഇപ്പോഴും തുടരുകയാണ്. എലിഫൻ്റ ഗുഹകളിൽ നിന്ന് ഗേറ്റ്വേ ഓഫ് ഇന്ത്യയിലേക്ക് യാത്രക്കാരെ കൊണ്ടുപോകുമ്പോൾ ഒരു സ്പീഡ് ബോട്ട് ഇടിക്കുകയായിരുന്നു.
മുംബൈക്കടുത്തുള്ള പ്രശസ്തമായ വിനോദസഞ്ചാര കേന്ദ്രമായ എലിഫൻ്റ ദ്വീപുകളിൽ നിന്ന് ഗേറ്റ്വേ ഓഫ് ഇന്ത്യയിലേക്ക് യാത്രക്കാരെ കയറ്റിക്കൊണ്ടുപോവുകയായിരുന്ന നീൽകമൽ എന്ന ബോട്ടിൽ നിയന്ത്രണം വിട്ട നേവിയുടെ സ്പീഡ് ബോട്ടിൽ ഇടിക്കുകയായിരുന്നു. സ്പീഡ് ബോട്ട് എഞ്ചിൻ പരീക്ഷണങ്ങൾക്ക് വിധേയമായ ഒരു റിജിഡ് ഇൻഫ്ലറ്റബിൾ ബോട്ട് (RIB) ആണെന്നും എഞ്ചിൻ തകരാർ മൂലം നിയന്ത്രണം നഷ്ടപ്പെട്ടുവെന്നും നാവികസേന പ്രസ്താവനയിൽ പറഞ്ഞു.
11 നേവി ബോട്ടുകളും മറൈൻ പോലീസിൻ്റെ മൂന്ന് ബോട്ടുകളും കോസ്റ്റ് ഗാർഡിൻ്റെ ഒരു ബോട്ടും പ്രദേശത്ത് വൻ തിരച്ചിൽ നടത്തുന്നുണ്ട്. അധികൃതർ രക്ഷാപ്രവർത്തനം തുടരുകയാണ്. നാല് ഹെലികോപ്റ്ററുകളും ജവഹർലാൽ നെഹ്റു തുറമുഖ അതോറിറ്റിയിൽ നിന്നുള്ള ബോട്ടുകളും പ്രാദേശിക മത്സ്യത്തൊഴിലാളികളും പ്രവർത്തനത്തിൽ സഹായിക്കുന്നു.