വയനാട് പശ്ചാത്തലത്തിൽ ഷിജി ഗിരി രചിച്ച നോവലായ ‘പെരുമഴയിലെ ഒറ്റമഴത്തുള്ളി’ പ്രകാശനം ചെയ്തു. ഷാർജ അന്താരാഷ്ട്ര പുസ്തകോത്സവത്തിൽ കഴിഞ്ഞ ദിവസം നടന്ന ചടങ്ങിൽ പ്രമുഖ മാധ്യമപ്രവർത്തകനായ കെ പി കെ വേങ്ങരയാണ് പുസ്തകം ഗിരീഷ് ദേവദാസിന് നൽകി പ്രകാശനം ചെയ്തത്. പ്രവീൺ പാലക്കീൽ പുസ്തകം പരിചയപ്പെടുത്തി. ചിരന്തന പബ്ലിക്കേഷൻസ് ആണ് പ്രസാധകർ. ഷിജി ഗിരിയുടെ ആദ്യ നോവൽ ആണ് ‘പെരുമഴയിലെ ഒറ്റമഴത്തുള്ളി’. പുന്നക്കൻ മുഹമ്മദലി പുസ്തകാവതരണവും, ബഷീർ തിക്കോടി, സത്യൻ ആർട്ട്, ഗീത മോഹൻ തുടങ്ങിയവർ ആശംസകളും നേർന്നു.
സംഭവകഥയെ ആസ്പദമാക്കിയാണ് ഈ നോവൽ രചിച്ചതെന്നും കൂടെ നിന്ന എല്ലാവരോടും നന്ദി പറയുന്നതായും ഷിജി ഗിരി പറഞ്ഞു.