മെഹ്ഫിൽ ഇന്റർനാഷണൽ ദുബായ് ഒരുക്കിയ ‘സൈകതപ്പൂക്കൾ’ എന്ന കഥാസമാഹാരം പ്രകാശനം ചെയ്തു. ഷാർജ അന്താരാഷ്ട്ര പുസ്തകമേളയിൽ പ്രമുഖ മാധ്യമപ്രവർത്തകൻ കെ പി കെ വേങ്ങരയാണ് പുസ്‌തകം പ്രകാശനം ചെയ്‌തത്. സിനിമാ – സീരിയൽ താരം ലക്ഷ്‌മി സേതു പുസ്‌തകം ഏറ്റുവാങ്ങി. പ്രമുഖ എഴുത്തുകാരി ജോബി റേച്ചൽ അബ്രഹാം പുസ്‌തക പരിചയം നടത്തി.
മാധ്യമ പ്രവർത്തകൻ നാസർ ബേപ്പൂർ, ഗീത മോഹൻകുമാർ, ജാസ്‌മിൻ, സുലൈമാൻ മതിലകം, സിനിമാ നിർമ്മാതാവും നടനുമായ അഷ്‌റഫ് പിലാക്കൽ എന്നിവർ ആശംസകൾ നേർന്നു. തുടർന്ന് സൈകതപ്പൂക്കൾ കഥാസമാഹാരത്തിൽ കഥകൾ രചിച്ചവർക്ക് വിശിഷ്ടാതിഥികൾ പുസ്തകത്തിന്റെ കോപ്പികൾ നൽകി അനുമോദിച്ചു.