പ്രശസ്ത സിനിമ എഡിറ്റർ നിഷാദ് യൂസഫ് അന്തരിച്ചു. ഇന്ന് പുലർച്ചെ രണ്ടോടെ കൊച്ചി പനമ്പള്ളിയിലെ ഫ്ലാറ്റിൽ മരിച്ച നിലയിൽ കണ്ടെത്തുകയായിരുന്നു. ആത്മഹത്യയെന്നാണ് പ്രാഥമിക നിഗമനം. പോലീസ് സ്ഥലത്തെത്തി. നിരവധി മലയാള സിനിമങ്ങളുടെ എഡിറ്ററാണ്.
സമകാലിക മലയാള സിനിമയിലെ ശ്രദ്ധേയനായ ചിത്രസംയോജകനാണ് നിഷാദ്. തല്ലുമാല, ഉണ്ട, വൺ, സൗദി വെള്ളക്ക എന്നിവ ജനശ്രദ്ധ നേടിയ പ്രധാന ചിത്രങ്ങളാണ്. 2022-ൽ തല്ലുമാലയുടെ എഡിറ്റിങിന് മികച്ച എഡിറ്റർക്കുള്ള സംസ്ഥാന അവാർഡ് ലഭിച്ചിരുന്നു. ചിത്രീകരണം പുരോഗമിച്ചുകൊണ്ടിരിക്കുന്ന തരുൺ മൂർത്തി-മോഹൻലാൽ ചിത്രം, മമ്മൂട്ടിയുടെ ബസൂക്ക, വരാനിരിക്കുന്ന ബിഗ് ബജറ്റ് ചിത്രം കങ്കുവാ എന്നീ ചിത്രങ്ങളുടേയും എഡിറ്ററായിരുന്നു.