പാര്ലമെന്റ് ബജറ്റ് സമ്മേളനം ജൂലൈ 22 മുതല് ആരംഭിക്കും. കേന്ദ്ര ബജറ്റ് അവതരണം ഈ ജുലൈ 23ന് നടക്കും. ഇതിന്റെ മുന്നോടിയായി പാര്ലമെന്റ് സമ്മേളനം ഈ മാസം 22 മുതല് ആഗസ്റ്റ് 12 വരെ നടക്കും. മൂന്നാം മോദി സര്ക്കാരിന്റെ ആദ്യ പൊതു ബജറ്റ് കൂടിയാണിത്. കേന്ദ്ര ധനകാര്യ മന്ത്രി നിര്മല സീതാരാമൻ ആയിരിക്കും മൂന്നാം മോദി സര്ക്കാരിന്റെ ആദ്യ സമ്പൂര്ണ ബജറ്റ് അവതരിപ്പിക്കുക. ആഗസ്റ്റ് 12വരെ ഇരു സഭകളിലെയും ബജറ്റ് സമ്മേളനം തുടരും. ജൂലൈ 23ന് കേന്ദ്ര ബജറ്റ് അവതരിപ്പിച്ചശേഷം തുടര് ദിവസങ്ങളില് ചര്ച്ച നടക്കും. ജൂലൈ 22 മുതല് ആഗസ്റ്റ് 12വരെയായിരിക്കും ബജറ്റ് സമ്മേളനം നടക്കുകയെന്ന് കേന്ദ്ര മന്ത്രി കിരണ് റിജിജു അറിയിച്ചു.
ബജറ്റ് സമ്മേളനം ആരംഭിക്കാനുള്ള തീയതി സംബന്ധിച്ച കേന്ദ്ര സര്ക്കാരിന്റെ ശുപാര്ശ രാഷ്ട്രപതി അംഗീകരിച്ചതായി പാര്ലമെന്ററികാര്യ മന്ത്രി കിരണ് റിജിജുവാണ് അറിയിച്ചത്.
ആദായ നികുതി സ്ലാബുകളില് എന്തെങ്കിലും മാറ്റമുണ്ടാകുമോ എന്നാണ് ഏവരും കാത്തിരിക്കുന്നത് . മൂന്നാം മോദി സര്ക്കാര് അധികാരത്തില് വന്നതിനു ശേഷമുള്ള ആദ്യ സമ്പൂര്ണ ബജറ്റ് എന്നതാണ് ഇത്തവണത്തെ കേന്ദ്ര ബജറ്റിന്റെ പ്രത്യേകത. ജിഎസ്ടിയില് നികുതി നിരക്കുകളും സേവന ഇളവുകളും പരിഷ്കരിക്കുന്നതിന് നിരവധി ശിപാര്ശകള് വിദഗ്ധര് ധനമന്ത്രിക്ക് നല്കിയിട്ടുണ്ട്. സാധാരണക്കാര്ക്കും തൊഴിലന്വേഷകരായ യുവാക്കള്ക്കുമായി ബജറ്റില് എന്തൊക്കെ പ്രഖ്യാപനങ്ങള് ഉണ്ടാകുമെന്നതും രാജ്യം ഉറ്റുനോക്കുകയാണ്.
തിരഞ്ഞെടുപ്പിന് മുന്നോടിയായി നടന്ന ബജറ്റ് ഇടക്കാല ബജറ്റ് ആയതിനാല് ജനപ്രിയ പ്രഖ്യാപനങ്ങളോ പദ്ധതികളോ ഒന്നും ഉണ്ടായിരുന്നില്ല. എന്നാല് തിരഞ്ഞെടുപ്പിന് ശേഷമുള്ള സമ്പൂര്ണ ബജറ്റില് കൂടുതല് പ്രഖ്യാപനങ്ങള് ഉണ്ടാവാ സാധ്യതയുണ്ട്.