ജൂൺ 29 ശനിയാഴ്ച ബാർബഡോസിൽ നടന്ന ടി20 ലോകകപ്പ് വിജയത്തിലേക്ക് ഇന്ത്യൻ ജനതയെ ഒന്നാകെ എത്തിച്ചശേഷം വിരാട് കോഹ്ലിയും രോഹിത് ശർമ്മയും കളിയുടെ ഏറ്റവും ചെറിയ ഫോർമാറ്റിൽ നിന്ന് വിരമിച്ചു. T20 ക്രിക്കറ്റിൽ നിന്ന് വിടവാങ്ങുമ്പോൾ കോഹ്ലിക്കും രോഹിത്തിനും ഏറ്റവും ഉചിതമായ മടക്കം കൂടിയാവുകയാണ് ഈ വിജയം. ക്യാപ്റ്റനായി ലോകകപ്പ് ഉയര്ത്തി ശേഷമാണ് രോഹിത്തിന്റെ പടിയിറക്കം. ഏകദിന ലോകകപ്പിലും ഐസിസി ടെസ്റ്റ് ചാംപ്യന്ഷിപ്പിലും ഇന്ത്യയെ ഫൈനലിലേക്ക് നയിക്കാന് രോഹിത്തിന് സാധിച്ചിരുന്നു. 159 മത്സരങ്ങള് കളിച്ച രോഹിത് ടി20 ക്രിക്കറ്റില് ഏറ്റവും കൂടുതല് റണ്സ് നേടുന്ന താരമായിട്ടാണ് വിടപറയുന്നത്. 2013-ൽ ചാമ്പ്യൻസ് ട്രോഫി നേടി. 2011-ൽ വിരാട് കോഹ്ലി ഏകദിന ലോകകപ്പ് നേടി. ഇംഗ്ലണ്ടിൽ ചാമ്പ്യൻസ് ട്രോഫി നേടിയ ടീമിൻ്റെ ഭാഗമായിരുന്നു അദ്ദേഹം.
ഇതുവരെയുള്ള എല്ലാ ടി20 ലോകകപ്പുകളിലും രോഹിത് ഉണ്ടായിരുന്നു. 2007ല് ഇംഗ്ലണ്ടിനെതിരെയായിരുന്നു രോഹിത്തിന്റെ ടി20 അരങ്ങേറ്റം. ഈ ഫൈനലില് നിരാശപ്പെടുത്തിയെങ്കിലും ഇന്ത്യയുടെ യാത്രയില് രോഹിത്തിന്റെ പങ്ക് വിസ്മരിക്കാനാവില്ല. ഈ ലോകകപ്പില് ഇന്ത്യയെ ചാംപ്യന്മാരക്കുന്നതില് നിര്ണായക പങ്കുണ്ട് രോഹിത്തിന്. മുന്നില് നയിക്കാന് രോഹിത് മറന്നില്ല. എട്ട് മത്സരങ്ങളില് 257 റണ്സുമായി റണ്വേട്ടക്കാരില് രണ്ടാം സ്ഥാനത്താണ് രോഹിത്. 36.71 ശരാശരിയിലാണ് രോഹിത്തിന്റെ നേട്ടം.
ദക്ഷിണാഫ്രിക്കയ്ക്കെതിരായ മത്സരശേഷം വിരാട് കോലിയും വിരമിക്കല് പ്രഖ്യാപനം നടത്തിയിരുന്നു. 59 പന്തില് 79 റണ്സ് നേടിയ കോലിയാണ് ഇന്ത്യയുടെ ലോകകപ്പ് ഫൈനല് വിജയത്തില് പ്രധാന പങ്കുവഹിച്ചത്. ഫൈനലിലെ താരവും കോലിയായിരുന്നു. 124 മത്സരങ്ങള് കളിച്ചിട്ടുള്ള കോലി 4188 റണ്സാണ് അടിച്ചെടുത്തത്. 48.69 ശരാശരിയും 137.04 സ്ട്രൈക്ക് റേറ്റും കോലിക്കുണ്ട്. 122 റണ്സാണ് ഉയര്ന്ന സ്കോര്. ഒരു സെഞ്ചുറിയും 37 അര്ധ സെഞ്ചുറിയും കോലി നേടി. 2010ല് സിംബാബ്വെക്കെതിരെയായിരുന്നു കോലിയുടെ ടി20 അരങ്ങേറ്റം.
യുഎസ്എയിലും വെസ്റ്റ് ഇൻഡീസിലും നടന്ന കാമ്പെയ്നിലുടനീളം ക്യാപ്റ്റൻ രോഹിത് മുന്നിൽ നിന്ന് നയിച്ചു. മുൻ ക്യാപ്റ്റൻ വിരാടിൻ്റെ പിന്തുണയും ഈ വിജയത്തിന് പിന്നിലുണ്ട്. വരും ദിവസങ്ങളില് ഹാര്ദിക് പാണ്ഡ്യയായിരിക്കും ഇനി ഇന്ത്യന് ടീമിനെ നയിക്കുക.