അതിരപ്പിള്ളി മലക്കപ്പാറ അന്തർ സംസ്ഥാന പാതയിൽ കെ.എസ്.ആർ.ടി.സി ബസും ആംബുലൻസും തടഞ്ഞ് കാട്ടുകൊമ്പൻ കബാലി. ഇന്നലെ വൈകുന്നേരം 5 മണിയോടെ പത്തടിപ്പാലത്ത് വെച്ചാണ് ചാലക്കുടിയിൽ നിന്നും മലക്കപ്പാറയിലേക്ക് പോയിരുന്ന കെ. എസ്. ആർ. ടി. സി. ബസ്സിന് മുൻപിൽ കൊമ്പൻ വഴി തടഞ്ഞ് നിന്നത്. 20 മിനിറ്റോളം വഴി തടഞ്ഞ് നിന്ന കബാലി വാഹനം ഏറെ നേരം ഇരമ്പിച്ചതിന് ശേഷമാണ് റോഡിൽ നിന്ന് മാറിയത്. ആനക്കയം മുതൽ ഷോളയാർ വ്യൂ പോയിൻ്റ് വരെയുള്ള മേഖലയിലായിലാണ് കൊമ്പനെ സ്ഥിരമായി കാണാറുള്ളത്.
രാത്രി 10 മണിയോടെ ചാലക്കുടിയിൽ നിന്നും ആനയെ കണ്ടു വീണു പരിക്കെറ്റ രോഗിയുമായി വന്ന പട്ടികജാതി വികസന വകുപ്പിൻ്റെ ആംബുലൻസിനെ തോട്ടാപുരക്ക് സമീപം നെല്ലിക്കുന്നു വളവിലും കബാലി തടഞ്ഞിട്ടു. കുറച്ചു നാളുകൾക്ക് മുൻപ് കാടുകയറിയ കാട്ടു കൊമ്പൻ രണ്ടാഴ്ച മുൻപാണ് വീണ്ടും കാനന പാതയിലേക്കെത്തിയത്. വാഹനങ്ങൾക്കു നേരെ പാഞ്ഞെടുക്കുന്ന സ്വഭാവമാണ് ആനയുടേത്.
ഒട്ടേറെ ഇരു ചക വാഹന യാത്രക്കാർക്ക് കൊമ്പൻ്റെ ആക്രമണശ്രമത്തിനിടയിൽ വീണ് പരുക്കേറ്റിട്ടുണ്ട്. ഷോളയാർ ഡാമിലെ പ്രവേശന കാവടത്തിലെ സെക്യൂരിറ്റി ജീവനക്കാരൻ കബാലിയുടെ ആക്രമണത്തിൽ നിന്നും തലനാരിഴക്കാണ് രക്ഷപെട്ടത്. കഴിഞ്ഞ ദിവസം കബാലിയെ കണ്ടു ഭയന്നോടുന്നതിനിടയിൽ പാറയിൽ നിന്നും ചാടിയ അടിച്ചിൽ തൊട്ടി ഊരിലെ ആദിവാസി യുവാവിന് പരിക്കേറ്റിരുന്നു.
മുൻപ് ഈ ആന വനം വകുപ്പിൻ്റെ ജീപ്പ് കുത്തി മറിക്കാൻ ശ്രമിക്കുകയും സ്വകാര്യ ബസ്സിനെ കിലോ മീറ്ററുകളോളം പുറകോട്ടെടുപ്പിക്കുകയും ചെയ്തിരുന്നു. മുൻപ് അമ്പലപ്പാറ വൈദ്യുതി നിലയത്തിലും ജീവനക്കാർക്ക് നേരെ പാഞ്ഞടുത്തു കബാലി ഭീതി പരത്തിയിരുന്നു.
ആനക്കയം മുതൽ ഷോളയാർ വ്യൂ പോയിൻ്റ് വരെയുള്ള മേഖലയിലായിലാണ് കൊമ്പനെ സ്ഥിരമായി കാണാറുള്ളത്. പലപ്പോഴും വനപാതയിൽ ഗതാഗതം സ്തംഭിപ്പിക്കുകയും ഇരുചക്ര വാഹനങ്ങൾക്ക് നേരെ പാഞ്ഞടുക്കുകയും ചെയ്യുന്നത് ഒറ്റയാൻ്റെ പതിവാണ്.
എട്ടു മാസം മുൻപ് റോഡരികിൽ വഴി തടഞ്ഞ് നിന്നിരുന്ന കബാലിക്ക് മുൻപിലെത്തി കൈപ്പമംഗലം സ്വദേശിയായ വിനോദ സഞ്ചാരി പ്രകോപനപരമായി പെരുമാറിയിരുന്നു കെ എസ് ആർ ടി സി ഡ്രൈവരുടെ സമയോചിതമായ ഇടപെടലിലാണ് അന്ന് അപകടം ഒഴിവായത് തുടർന്ന് വനം വകുപ്പ് ഇയാൾക്കെതിരെ കേസെടുക്കുകയും ചെയ്തിരുന്നു.