സംസ്ഥാനത്ത് സ്വർണവിലയിൽ ഇന്ന് നേരിയ കുറവ് രേഖപ്പെടുത്തി. 200 രൂപയാണ് ഇന്ന് കുറഞ്ഞിട്ടുള്ളത്. ഇന്ന് ഒരു പവൻ സ്വർണത്തിന് 52,720 രൂപയാണ് വില. ഇതോടെ ഒരു ഗ്രാം സ്വർണത്തിന് 6590 രൂപയാണ് വില. കഴിഞ്ഞ രണ്ട് ദിവസങ്ങളിൽ ഒരേ വിലയിലായിരുന്നു സംസ്ഥാനത്ത് സ്വർണ വ്യാപാരം നടന്നത്.
സ്വർണവിലയിൽ റെക്കോർഡ് ഇടിവാണ് ശനിയാഴ്ച ഉണ്ടായിരുന്നത്. 1520 രൂപയുടെ റെക്കോർഡ് കുറവാണ് അന്നുണ്ടായത്. ശേഷം ഞായർ, തിങ്കൾ, ഉൾപ്പടെ മൂന്ന് ദിവസം ഒരേ വിലയിൽ ആണ് സംസ്ഥാനത്ത് സ്വർണ വ്യാപാരം നടന്നത്. ജൂൺ മാസം ആരംഭം മുതലേ വില കുറഞ്ഞ് ശുഭവാർത്തയായിരുന്നു ആഭരണം വാങ്ങാനായി കാത്തിരിക്കുന്നവർക്ക് ലഭിച്ചത്. ജൂൺ 7ന് സ്വർണ വില 54000 കടന്നിരുന്നു. ഈ മാസത്തെ ഏറ്റവും ഉയർന്ന നിരക്കായിരുന്നു അത്. വില വീണ്ടും 55000 കടക്കുമോ എന്ന ആശങ്കകൾ ഉയർന്ന സാഹചര്യത്തിലാണ് ശനിയാഴ്ച ഒറ്റയടിക്ക് 1520 രൂപ കുറഞ്ഞത്.