കജോൾ പ്രധാനവേഷത്തിലെത്തുന്ന ഡിസ്നി പ്ലസ് ഹോട്ട്സ്റ്റാർ പരമ്പരയായ ‘ദി ട്രയൽ’ എന്ന സീരിസിലെത്തിയ നടി നൂർ മാലബിക ദാസ് ആത്മഹത്യ ചെയ്തു. ജൂൺ 6 ന് ആത്മഹത്യ ചെയ്തു എന്നാണ് പുറത്തുവരുന്ന വിവരം. മൃതദേഹം മുംബൈയിലെ വീട്ടിൽ നിന്ന് കണ്ടെടുത്തു. അപ്പാർട്ട്മെൻ്റിൽ നിന്ന് ദുർഗന്ധം വമിക്കുന്നത് ശ്രദ്ധയിപ്പെട്ട അയൽവാസികൾ പരാതിപ്പെട്ടതിനെ തുടർന്ന് പോലീസ് മൃതദേഹം മുംബൈയിലെ വീട്ടിൽ നിന്ന് കണ്ടെടുത്തു.
32 കാരിയ താരം അസം സ്വദേശിയാണ്. അഭിനേതാവാകുന്നതിന് മുമ്പ് ഖത്തർ എയർവേയ്സിൽ എയർ ഹോസ്റ്റസായി ജോലി ചെയ്തിരുന്നു.
‘സിസ്കിയാൻ’, ‘വാക്കമാൻ’, ‘തീഖി ചാത്നി’, ‘ജഘന്യ ഉപായ’, ‘ചരംസുഖ്’, ‘ദേഖി അന്ദേഖി’, ‘ബാക്ക്റോഡ് ഹസ്റ്റാലെ’ എന്നിവയുൾപ്പെടെ കുറച്ച് സിനിമകളിലും വെബ് സീരീസുകളിലും അവർ അഭിനയിച്ചു.