പാക് അധീന കശ്മീരിൽ വിലക്കയറ്റത്തിൽ പ്രതിഷേധിച്ച് മുസാഫറാബാദിൽ അർദ്ധസൈനിക റേഞ്ചർമാർ നടത്തിയ വെടിവയ്പ്പിലും കണ്ണീർ വാതക ഷെല്ലിലും മൂന്ന് പേർ മരിക്കുകയും ആറ് പേർക്ക് പരിക്കേൽക്കുകയും ചെയ്തു. പ്രതിഷേധക്കാരെ അനുനയിപ്പിക്കാൻ സർക്കാർ 23 ബില്യൺ രൂപ സബ്സിഡി പ്രഖ്യാപിച്ചതിനെത്തുടർന്ന് പാകിസ്ഥാൻ റേഞ്ചേഴ്സ് കൊഹാലയിൽ നിന്ന് മാറുന്നതിനിടെയാണ് സംഭവം നടന്നതെന്നാണ് റിപോർട്ടുകൾ. മുസാഫറാബാദ്-ബ്രാർക്കോട്ട് റോഡിൽ അർദ്ധസൈനികരുടെ വാഹനങ്ങൾ കത്തിച്ചതായി സോഷ്യൽ മീഡിയയിലെ വീഡിയോകൾ പ്രചരിക്കുന്നുണ്ട്.
പ്രതിഷേധങ്ങൾക്ക് നേതൃത്വം നൽകുന്ന ജമ്മു കശ്മീർ ജോയിൻ്റ് അവാമി ആക്ഷൻ കമ്മിറ്റി (ജെഎഎസി) പ്രകടനക്കാരോട് മാർച്ച് പുനരാരംഭിക്കാൻ ആവശ്യപ്പെട്ടതോടെയാണ് സേനയെമായി ഏറ്റുമുട്ടൽ ആരംഭിച്ചത്. മെയ് 10 ന് പൊട്ടിപ്പുറപ്പെട്ട പ്രതിഷേധത്തിൽ 90 ലധികം പേർക്ക് പരിക്കേറ്റതായി പാകിസ്ഥാൻ മാധ്യമങ്ങൾ റിപ്പോർട്ട് ചെയ്തു.
പ്രതിഷേധക്കാരെ സമാധാനിപ്പിക്കാൻ വൈദ്യുതി, ഗോതമ്പ് സബ്സിഡികൾക്കായി പിഒകെയ്ക്ക് 23 ബില്യൺ രൂപ അനുവദിക്കുന്നതിന് ഞായറാഴ്ച പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് അനുമതി നൽകി. 40 കിലോഗ്രാം മാവിന് 3100ൽ നിന്ന് 2000 രൂപയാക്കി. വൈദ്യുതി നിരക്ക് യഥാക്രമം 100, 300 എന്നിവയ്ക്ക് പുറമെ 300 യൂണിറ്റിന് മുകളിൽ ഉപയോഗിച്ചാൽ യൂണിറ്റിന് 3 രൂപ, 5 രൂപ, 6 രൂപ എന്നിങ്ങനെ കുറച്ചതായി റിപ്പോർട്ടുകൾ പുറത്തുവന്നിരുന്നു. അതിനിടെ പാകിസ്ഥാൻ അംബാസഡറെ വിളിച്ചുവരുത്തി വിശദീകരണം തേടാനും പ്രതിഷേധക്കാർ ഇന്ത്യൻ സർക്കാരിനോട് അഭ്യർത്ഥിച്ചു.