ഇഡി കസ്റ്റഡിയിലിരുന്ന് ആദ്യ സർക്കാർ ഉത്തരവിൽ ഒപ്പുവെച്ച് ദില്ലി മുഖ്യമന്ത്രി അരവിന്ദ് കെജ്രിവാൾ

ഡൽഹി മദ്യനയ കേസിൽ അടുത്തിടെ അറസ്റ്റിലായ അരവിന്ദ് കെജ്‌രിവാൾ എൻഫോഴ്‌സ്‌മെൻ്റ് ഡയറക്ടറേറ്റ് കസ്റ്റഡിയിൽ കഴിയുന്നതിനിടെയും സർക്കാർ ഫയലുകൾ ഒപ്പുവെച്ചു. ഇഡി കസ്റ്റഡിയിൽ ഇരുന്നുകൊണ്ട് ജോലി നിർവ്വഹിക്കുകയാണ് അരവിന്ദ് കെജ്‌രിവാൾ. ജയിലിൽ കിടന്നായാൽ പോലും താൻ സർക്കാരിനെ നയിക്കുമെന്ന് അദ്ദേഹം നേരത്തെ തന്നെ വ്യക്തമാക്കിയിരുന്നു. ജില്ലാ കോടതി ആറ് ദിവസത്തെ എൻഫോഴ്സ്മെന്റ് കസ്റ്റഡിയിൽ വിട്ടതിന് പിന്നാലെ ദില്ലി മുഖ്യമന്ത്രി സ്ഥാനം രാജിവെക്കില്ലെന്നും ആവശ്യമെങ്കിൽ സർക്കാരിനെ ജയിലിൽ നിന്ന് നയിക്കുമെന്നും അദ്ദേഹം വ്യക്തമാക്കിയിരുന്നു.