ലോക്സഭാ തിരഞ്ഞെടുപ്പ് പ്രഖ്യാപിച്ചിരിക്കെ കേന്ദ്രമന്ത്രി രാജിവച്ചു. പശുപതി പരസ് ആണ് നരേന്ദ്ര മോദി മന്ത്രിസഭയിൽനിന്ന് അപ്രതീക്ഷിതമായി രാജിവച്ചത്. രാഷ്ട്രീയ ലോക് ജൻശക്തി പാർട്ടി (ആർഎൽജെപി) നേതാവാണ് ഇദ്ദേഹം. ബിഹാറിലെ സീറ്റ് വിഭജന തർക്കമാണ് പൊട്ടിത്തെറിയിലേക്കും പരസിന്റെ രാജിയിലും കലാശിച്ചത്.
സ്ഥാനമൊഴിയുന്നതിന് മുമ്പ് പശുപതി പരാസ് മോദി സർക്കാരിൽ ഭക്ഷ്യ സംസ്കരണ മന്ത്രിയായിരുന്നു. സീറ്റ് വിഭജനത്തിൽ ചിരാഗ് പാസ്വാൻ്റെ എൽജെപി (രാം വിലാസ്) 5 ലോക്സഭാ സീറ്റുകൾ നേടിയതിൽ പശുപതി അതൃപ്തി പ്രകടിപ്പിച്ചു. ബിഹാറില് ലോക്സഭാ തിരഞ്ഞെടുപ്പില് ബിജെപി – ജെഡിയു സീറ്റ് ധാരണയായിരുന്നു. നിതീഷ് കുമാറിന്റെ ജെഡിയു പതിനാറ് സീറ്റുകളിലും ബിജെപി പതിനേഴ് സീറ്റുകളിലുമാണ് മത്സരിക്കുത്. ഡല്ഹിയിലെത്തിയ നിതീഷ് കുമാര് ബിജെപി നേതാക്കളുമായി നടത്തിയ ചര്ച്ചയ്ക്ക് പിന്നാലെയാണ് സീറ്റ് വിഭജനത്തില് ധാരണയായത്.
ബിഹാർ എൻഡിഎ സഖ്യത്തിലെ അംഗങ്ങൾ നടത്തിയ സംയുക്ത വാർത്താസമ്മേളനത്തിൽ ബിജെപി ജനറൽ സെക്രട്ടറി വിനോദ് താവ്ഡെയാണ് സീറ്റ് വിഭജനം പ്രഖ്യാപിച്ചത്. അന്തരിച്ച രാംവിലാസ് പാസ്വാന്റെ ലോക് ജനശക്തി പാര്ട്ടിക്ക് അഞ്ച് സീറ്റും ഹിന്ദുസ്ഥാനി അവാം മോര്ച്ചയ്ക്ക് ഒരുസീറ്റും രാഷ്ട്രീയ ലോക്മോര്ച്ചയ്ക്ക് ഒരു സീറ്റും നല്കാൻ തീരുമാനമായിരുന്നു.