യു എ ഇയിൽ മ​ഴ മുന്നറിയിപ്പ്, ജാ​ഗ്ര​ത വേണമെന്ന് നി​ർ​ദ്ദേ​ശം

രാജ്യത്തു വരുന്ന രണ്ടു ദിവസങ്ങളിൽ അസ്ഥിര കാലാവസ്ഥക്ക് സാധ്യതയുണ്ടെന്നും ജാഗ്രത വേണമെന്നും അധികൃതർ മുന്നറിയിപ്പ് നൽകി. വെ​ള്ളി, ശ​നി, ഞാ​യ​ർ ദി​വ​സ​ങ്ങ​ളി​ൽ രാ​ജ്യ​ത്ത്​ ശ​ക്​​ത​മാ​യ മ​ഴ​യും പ്ര​തി​കൂ​ല​മാ​യ കാ​ലാ​വ​സ്ഥ​യും പ്ര​തീ​ക്ഷി​ക്ക​ണ​മെന്നും മു​ന്ന​റി​യി​പിൽ പറയുന്നു. ന്യൂ​ന​മ​ർ​ദം ശ​ക്ത​മാ​കു​ന്ന സാ​ഹ​ച​ര്യ​ത്തി​ലാ​ണ്​ കാ​റ്റി​നും ഇ​ടി​മി​ന്ന​ലോ​ടെ​യു​ള്ള മ​ഴ​ക്കും സാ​ധ്യ​ത​യു​ള്ള​താ​യി അ​റി​യി​ച്ച​ത്. ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം വ്യാ​ഴാ​ഴ്ച പുറത്തിറക്കിയ പ്ര​ത്യേ​ക അ​റി​യി​പ്പി​ലാ​ണ്​ മഴ മുന്നറിയിപ്പ് നൽകിയത്.

അ​ന്ത​രീ​ക്ഷം മൂ​ടി​ക്കെ​ട്ടി നി​ൽ​ക്കാ​ൻ സാ​ധ്യ​ത​യു​ള്ള​തി​നാ​ൽ വാഹന ഡ്രൈ​വ​ർ​മാ​ർ റോ​ഡു​ക​ളി​ൽ ജാ​ഗ്ര​ത പാ​ലി​ക്ക​ണമെന്നും അറിയിച്ചിട്ടുണ്ട്. വെ​ള്ളി​യാ​ഴ്ച രാ​ത്രി മു​ത​ൽ ഞാ​യ​റാ​ഴ്ച പ​ക​ൽ വ​രെ രാ​ജ്യ​ത്തി​ന്റെ എ​ല്ലാ എ​മി​റേ​റ്റു​ക​ളി​ലും ശ​ക്ത​മാ​യ മ​ഴ​ക്കും കാ​റ്റി​നും ആ​ലി​പ്പ​ഴ വ​ർ​ഷ​ത്തി​നും സാ​ധ്യ​ത​യു​ണ്ട്. അ​നാ​വ​ശ്യ യാ​ത്ര​ക​ൾ ഒ​ഴി​വാ​ക്ക​ണ​മെ​ന്നും വെ​ള്ളം നി​റ​യു​ന്ന വാ​ദി​ക​ളി​ൽ നി​ന്നും മ​റ്റു സ്ഥ​ല​ങ്ങ​ളി​ൽ നി​ന്നും വി​ട്ടു​നി​ൽ​ക്ക​ണ​മെ​ന്നും ദേ​ശീ​യ ദു​ര​ന്ത​നി​വാ​ര​ണ സ​മി​തി നി​ർ​ദേ​ശം ന​ൽ​കി.