സംസ്ഥാനത്തെ ലോക്സഭാ തെരഞ്ഞെടുപ്പിൽ തിരുവനന്തപുരത്ത് ബിജെപി സ്ഥാനാർത്ഥിയായി രാജീവ് ചന്ദ്രശേഖറും കുമ്മനം രാജശേഖരനും പരിഗണനയിൽ. ബിജെപി പരിഗണിക്കുന്ന പട്ടികയിൽ പത്തനംതിട്ടയിൽ പി സി ജോർജ്ജും ഷോൺ ജോര്‍ജ്ജും കൂടാതെ കുമ്മനം രാജശേഖരനുമുണ്ട്. ചാലക്കുടി മണ്ഡലത്തിൽ മേജർ രവി, എ.എൻ രാധാകൃഷ്ണൻ, ബി ഗോപാലകൃഷ്ണൻ എന്നിവരാണ് പരിഗണനയിലുള്ളത്. പി കെ കൃഷ്ണദാസിന്റെ പേരാണ് കാസര്‍കോട് മണ്ഡലത്തിൽ പരിഗണിക്കുന്നത്. കോഴിക്കോട് മണ്ഡലത്തിൽ എം.ടി രമേശ്, ശോഭാ സുരേന്ദ്രൻ, പ്രഫുൽ കൃഷ്ണ എന്നിവരാണ് പരിഗണനയിലുള്ളത്.
എറണാകുളം മണ്ഡലത്തിൽ അനിൽ ആന്റണിയെയും കിറ്റക്സ് എം.ഡി സാബു ജേക്കബിന്റെ പേരും പരിഗണനയിൽ ഉണ്ട്. ആലപ്പുഴ മണ്ഡലത്തിൽ അനിൽ ആന്റണിക്കൊപ്പം കൊല്ലപ്പെട്ട രഞ്ജിത് ശ്രീനിവാസന്റെ ഭാര്യ ലിഷ രഞ്ജിത്തിന്റെ പേരും പരിഗണിക്കുന്നുണ്ട്. കണ്ണൂർ മണ്ഡലത്തിൽ സി രഘുനാഥിനാണ് സ്ഥാനാര്‍ത്ഥിയായി സാധ്യതാ ലിസ്റ്റിൽ ഉള്ളത്.