വയനാട്ടിൽ രാഹുൽ ഗാന്ധി മത്സരിക്കുന്നില്ലെങ്കില് ലോക്സഭാ സീറ്റ് കോൺഗ്രസിനോട് ആവശ്യപ്പെടാന് മുസ്ലിംലീഗ്. രാഹുല് ഗാന്ധി മത്സരിക്കുന്നില്ലെങ്കില് മാത്രമേ അധികസീറ്റ് ചോദിക്കൂ. അക്കാര്യം ലീഗ് നേതാക്കള് കോണ്ഗ്രസ് നേതൃത്വത്തെ അറിയിക്കും. അല്ലാത്തപക്ഷം മൂന്നാംസീറ്റിനായി യുഡിഎഫില് സമ്മര്ദം ചെലുത്തില്ല. ഉപാധികളോടെ കോട്ടയം സീറ്റ് കേരളാ കോണ്ഗ്രസിന് നല്കാനാണ് കോണ്ഗ്രസ് നേതാക്കള്ക്കിടയിലെ ധാരണ.
സീറ്റ് വിഭജനത്തിനായുള്ള യുഡിഎഫിലെ ഉഭയക്ഷി ചര്ച്ചകള് നാളെത്തുടങ്ങും.
പ്രതിപക്ഷ നേതാവും യുഡിഎഫ് കണ്വീനറും കെപിസിസി പ്രസിഡന്റിന്റെ അഭാവത്തില് മുതിര്ന്ന നേതാക്കളും ചര്ച്ചയില് പങ്കെടുക്കും. 29 നാണ് ലീഗുമായുള്ള ചര്ച്ച. 30 ന് ആര്എസ്പി. കേരളാ കോണ്ഗ്രസ് ജേക്കബ്, സിഎംപി, ജെഎസ്എസ്, ഫോര്വേഡ് ബ്ലോക്ക് തുടങ്ങിയ പാര്ട്ടികളുമായും ഉഭയക്ഷി ചര്ച്ചയുണ്ട്.