പാരമൗണ്ട് ഗ്രൂപ്പ് വിപുലീകരണ പദ്ധതിക്ക് തുടക്കമിടുന്നു.100 മില്യൺ ദിർഹത്തിന്റെ നിക്ഷേപ പദ്ധതിയാണ് പാരമൗണ്ട് ഗ്രൂപ്പ് ഒരുക്കുന്നത്. യുഎ ഇ, ഖത്തർ, ഒമാൻ, സൗദി, ബഹ്‌റൈൻ, ഇന്ത്യ, ആഫ്രിക്ക എന്നിവിടങ്ങളിൽ ആണ് പാരമൌണ്ട് ഗ്രൂപ്പിന് പുതിയ വിപുലീകരണപദ്ധതികൾ തയ്യാറാക്കുന്നത്. യുഎ ഇ യിലെ പുതിയ പാരമൗണ്ട് കോർപ്പറേറ്റ് ആസ്ഥാന മന്ദിരം ജനുവരി 23 ന് ഷാർജ ഇൻഡസ്ട്രിയൽ ഏരിയ 12 ൽ ഉൽഘാടനം ചെയ്യപ്പെടും. ഖത്തറിലെ പുതിയ വിപുലീകരണ പദ്ധതിയുടെ ലോഞ്ചിങ് ഫെബ്രുവരി 22 ന് ആയിരിക്കുമെന്നും പാരമൗണ്ട് മാനേജ്‌മന്റ് ദുബായിൽ വാർത്താസമ്മേളനത്തിൽ അറിയിച്ചു.
കഴിഞ്ഞ 36 വർഷമായി ഫുഡ് സർവീസ് എക്യുപ്മെന്റ് ഇൻഡസ്ട്രിയിൽ ഉണ്ടെന്നും ഈ രംഗത്ത് വിപ്ലവകരമായ പല മാറ്റങ്ങളും പ്രവണതകളും കൊണ്ടുവന്നിട്ടുണ്ടെന്നും മാനേജിങ് ഡയറക്ടർ കെ വി ഷംസുദ്ധീൻ പറഞ്ഞു. ഫുഡ് ഇൻഡസ്ട്രിയുടെ വർധിച്ച ആവശ്യങ്ങളെ കരുതി പാരമൗണ്ട് ഗ്രുപ്പിന്റെ പ്രവർത്തനം ലോകമാകെ വ്യാപിപ്പിക്കാനുള്ള ഒരുക്കത്തിലാണ്. അതിനായി ഷാർജ കേന്ദ്രമാക്കി 100 മില്യൺ ദിർഹത്തിന്റെ നിക്ഷേപത്തിനാണ് പാരമൗണ്ട് ഗ്രൂപ്പ് ഒരുങ്ങുന്നത് എന്നും കെ വി ഷംസുദീൻ വിശദമാക്കി
മിഡിൽ ഈസ്റ്റിൽ ആകെയും ആഫ്രിക്കൻ രാജ്യങ്ങളിലും പാരമൗണ്ടിന്റെ സാന്നിധ്യം ശക്തമാക്കും. ഹോസ്പിറ്റാലിറ്റി ഇൻഡസ്ട്രിയില്‍ അടുത്ത 20 വർഷത്തെ മാറ്റങ്ങൾ മുൻകൂട്ടി കണ്ടുകൊണ്ടുള്ള പദ്ധതികളാണ് ആവിഷ്കരിച്ചിട്ടുള്ളത്. ഫുഡ് ആൻഡ് ബിവറേജ് മേഖലയിൽ ആർജ്ജിച്ച അനുഭവങ്ങൾ ലോകത്തിനാകെ ഉപകരിക്കും വിധമുള്ള ആക്ഷൻ പ്ലാനാണ് ഉള്ളതെന്നും എക്സിക്യൂട്ടീവ് ഡയറക്ടർ ഹിഷാം ഷംസ് പറഞ്ഞു .
മാനേജിങ് ഡയറക്ടർ കെ വി ഷംസുദ്ധീൻ, എക്സിക്യു്ട്ടീവ് ഡയറക്ടർ മാരായ ഹിഷാം ഷംസ്, അമർ ഷംസ്, ഡയറക്ടർ അഫ്ര ഷംസ്, ഖത്തർ ജനറൽ മാനേജർ ഡാനിയേൽ റ്റി സാം എന്നിവർ വാർത്താസമ്മേളനത്തിൽ പങ്കെടുത്തു.