അന്തരിച്ച പഴയകാല നടനും ഡബ്ബിംഗ് ആര്‍ട്ടിസ്റ്റുമായ കെ.ഡി. ജോര്‍ജിന്‍റെ മൃതദേഹം ഏറ്റെടുക്കാൻ ആളില്ലാതെ രണ്ടാഴ്ചയായി എറണാകുളം ജനറൽ ആശുപത്രിയിലെ മോർച്ചറിയിൽ തന്നെ സൂക്ഷിച്ചിരിക്കുകയാണ്. നടന്റെ മൃതദേഹം ഏറ്റെടുക്കാൻ ആളില്ലെന്ന് അറിയിച്ച് ചലച്ചിത്ര പ്രവർത്തകർ അന്തിമകർമം ചെയ്യാൻ ഒരുങ്ങിയെങ്കിലും ആശുപത്രി അധികൃതർ മൃതദേഹം വിട്ടു നൽകിയിരുന്നില്ല. ചര്‍ച്ചകള്‍ക്കൊടുവില്‍, കഴിഞ്ഞദിവസം മോര്‍ച്ചറിക്ക് മുന്നിലായിരുന്നു കെ.ഡി. ജോര്‍ജിന്‍റെ പൊതുദര്‍ശനം. ജോർജിൻ്റെ സംസ്കാര ചടങ്ങുകൾ നാളെ നടക്കും.
ഡിസംബർ 29ന് ആയിരുന്നു കെ.ഡി ജോർജിന്റെ അന്ത്യം. എന്നാൽ മരിച്ച് രണ്ടാഴ്ച പിന്നിട്ടിട്ടും.
നടന്റെ മൃതദേഹം ഏറ്റെടുക്കാൻ ആളില്ലെന്ന് അറിയിച്ച് ചലച്ചിത്ര പ്രവർത്തകർ അന്തിമകർമം ചെയ്യാൻ ഒരുങ്ങിയെങ്കിലും ആശുപത്രി അധികൃതർ മൃതദേഹം വിട്ടു നൽകിയിരുന്നില്ല. അതുകൊണ്ട് തന്നെ മോർച്ചറിക്ക് മുന്നിലായിരുന്നു നടന്റെ പൊതുദർശനം നടന്നത്. മൃതദേഹം ഏറ്റെടുക്കാൻ ആരും എത്താതിനാൽ ആദ്യം പത്രപരസ്യം നൽകിയിരുന്നുവെങ്കിലും ആരും എത്തിയില്ല. മൃതേദഹം ഏറ്റെടുക്കാന്‍ ആരുമില്ലെന്ന് ജോര്‍ജിനെ അറിയുന്ന കലാകാരന്‍മാര്‍ മരിച്ച അന്ന് തന്നെ സര്‍ക്കാരിനെ അറിയിച്ചിരുന്നു. എങ്കിലും നടപടിക്രമങ്ങള്‍ പാലിക്കേണ്ടതിൻ്റെ അടിസ്ഥാനത്തിൽ ആദ്യം പത്രപരസ്യംകൊടുക്കുകയായിരുന്നു. എന്നാൽ മൃതദേഹം ഏറ്റെടുക്കാൻ ആരും വന്നില്ല. 7 ദിവസം കഴിഞ്ഞ് മൃതദേഹം വിട്ടുനല്‍കാമെന്ന് പൊലീസും കോര്‍പറേഷനും വാക്കുനല്‍കി. എന്നാൽ വാക്കെല്ലാം തെറ്റുകയായിരുന്നു. ഒടുവിൽ മൃതദേഹം സര്‍ക്കാര്‍ തന്നെ സംസ്കരിക്കുമെന്നായി തീരുമാനം. അങ്ങനെ അന്തിമോപചാരവും പൊതുദര്‍ശനവും മോര്‍ച്ചറിക്ക് മുന്നില്‍ തന്നെയാക്കുകയായിരുന്നു