52-ാമത് യുഎഇ ദേശീയ ദിനത്തോടനുബന്ധിച്ച് ഷാർജ നാഷണൽ പാർക്ക് നവംബർ 6 തിങ്കളാഴ്ച മുതൽ നവംബർ 27 വരെ അടച്ചിടുന്നതായി അധികൃതർ അറിയിച്ചു. ദേശീയ ദിനത്തോടനുബന്ധിച്ച് വൈവിധ്യമാർന്ന പരിപാടികളാണ് ഷാർജയിൽ അരങ്ങേറുന്നത്. വിവിധ പരിപാടികളുടെ ഒരുക്കങ്ങൾ പൂർത്തിയശേഷം നവംബർ 28 മുതൽ നാഷണൽ പാർക്ക് പൊതുജനങ്ങൾക്ക് വീണ്ടും തുറന്നുകൊടുക്കും. നൃത്ത പരിപാടികൾ, കലാ ശിൽപശാലകൾ, ചുവർചിത്രങ്ങൾ, വിവിധ കലാപരിപാടികൾ എന്നിവ സന്ദർശകർക്കായി ഷാർജ നാഷണൽ പാർക്കിൽ സംഘടിപ്പിക്കുന്നുണ്ട്.
