കഴിഞ്ഞ വർഷം രാജ്യത്ത് റോഡപകടങ്ങളിൽ 1.68 ലക്ഷം പേർ മരണമടഞ്ഞതായി റിപ്പോർട്ടുകൾ. 2022ൽ 4,61,312 റോഡപകടങ്ങൾ ഉണ്ടാവുകയും, അതിൽ 1,68,491 പേർ കൊല്ലപ്പെട്ടുവെന്ന് റോഡ് ഗതാഗത, ഹൈവേ മന്ത്രാലയം (MoRTH) പുറത്തിറക്കിയ പുതിയ റിപ്പോർട്ട് പറയുന്നു. 4,43,366 പേർക്ക് പരിക്കേറ്റതായും റിപ്പോർട്ടുകളിൽ പറയുന്നു. അപകടങ്ങളിൽ 11.9 ശതമാനം വർദ്ധനയും മരണങ്ങളിൽ 9.4 ശതമാനം വർദ്ധനവുമാണ് മുൻ വർഷത്തിൽ നിന്നും അധികമായി രേഖപ്പെടുത്തിയത്.
ഏഷ്യാ പസഫിക് റോഡ് ആക്സിഡന്റ് ഡാറ്റാ ബേസ് പ്രൊജക്റ്റിന് കീഴിൽ യുണൈറ്റഡ് നേഷൻസ് എക്കണോമിക് ആൻഡ് സോഷ്യൽ കമ്മീഷൻ ഫോർ ഏഷ്യ ആൻഡ് പസഫിക് (UNESCAP) നൽകിയ സ്റ്റാൻഡേർഡ് ഫോർമാറ്റുകൾ അടിസ്ഥാനമാക്കി കലണ്ടർ വർഷത്തിൽ സംസ്ഥാനങ്ങളിലെ/ കേന്ദ്ര ഭരണ പ്രദേശങ്ങളിലെ പോലീസ് വകുപ്പുകളിൽ നിന്ന് ലഭിച്ച ഡാറ്റ അടിസ്ഥാനമാക്കിയുള്ളതാണ് ഈ വാർഷിക റിപ്പോർട്ട്.
അപകടങ്ങളിൽ 11.9 ശതമാനം വർദ്ധനയും മരണങ്ങളിൽ 9.4 ശതമാനം വർദ്ധനവുമാണ് മുൻ വർഷത്തിൽ നിന്നും അധികമായി രേഖപ്പെടുത്തിയത്. 2022ൽ പരിക്കേറ്റവരുടെ എണ്ണത്തിൽ 15.3 ശതമാനം വർധനവുണ്ടായി. റിപ്പോർട്ട് അനുസരിച്ച്, കഴിഞ്ഞ വർഷം രാജ്യത്ത് ആകെ 4,61,312 അപകടങ്ങൾ രേഖപ്പെടുത്തി. 1,51,997 (32.9 ശതമാനം) എക്സ്പ്രസ് വേകൾ ഉൾപ്പെടെയുള്ള ദേശീയ പാതകളിലും (എൻഎച്ച്) 1,06,682 എണ്ണം സംസ്ഥാന പാതകളിലുമാണ് (എസ്എച്ച്) നടന്നത്. ബാക്കിയുള്ള 2,02,633 (43.9 ശതമാനം) അപകടങ്ങൾ മറ്റ് റോഡുകളിലും നടന്നു.