സുപ്രധാന ബില്ലുകളിൽ ഒപ്പിടാൻ മടിക്കുന്ന ഗവർണ്ണർക്കെതിരെ തിരക്കിട്ട് കോടതിയിൽ പോകേണ്ടെന്ന് സർക്കാർ. തുറന്ന യുദ്ധത്തിന് പോയാൽ ഗവർണ്ണർ കൂടുതൽ പ്രതിസന്ധിയുണ്ടാക്കുമെന്ന് കൂടി കണ്ടാണ് അനുനയം. കോടതിയില് പോയാല് സ്ഥിതി വഷളാകുമെന്നാണ് വിലയിരുത്തല്. തുടര്നടപടികള് കൂടുതല് ആലോചനകള്ക്ക് ശേഷം മതി. തുറന്ന യുദ്ധത്തിന് പോയാല് ഗവര്ണ്ണര് കൂടുതല് പ്രതിസന്ധി ഉണ്ടാക്കുമെന്നും സര്ക്കാര് വിലയിരുത്തുന്നു.
ലോകായുക്ത നിയമ ഭേദഗതിയും ഗവര്ണറുടെ അധികാരം വെട്ടിച്ചുരുക്കുന്ന സര്വ്വകലാശാല നിയമ ഭേദഗതിയും ഭരണഘടനാ വിരുദ്ധമാണെന്നും അതിൽ ഒപ്പിടുന്ന പ്രശ്നമില്ലെന്നുമാണ് ഗവര്ണര് ആരിഫ് മുഹമ്മദ് ഖാന്റെ നിലപാട്. ബില്ലില് പ്രതിപക്ഷത്തിന്റെയും ബിജെപിയുടെ പിന്തുണയും ഗവര്ണര്ക്കൊപ്പമുണ്ട്. നിയമസഭ ബില്ല് പാസാക്കിയാല് അതില് ഗവര്ണര് ഒപ്പിടുന്നതാണ് കീഴ്വഴക്കം. എന്തെങ്കിലും വിയോജിപ്പുണ്ടെങ്കില് വിശദീകരണം ചോദിക്കാം. തൃപ്തികരമല്ലെങ്കില് സര്ക്കാരിലേക്ക് തിരിച്ചയക്കാനും ഗവര്ണര്ക്ക് കഴിയും.
ഗവർണ്ണർക്കെതിരായ നിയമയുദ്ധത്തിന് സിപിഎം രാഷ്ട്രീയതീരുമാനം നേരത്തെയെടുത്തിരുന്നു. തുടർനീക്കത്തിനായി പല നിയമവിദഗ്ധരിൽ നിന്നും ഉപദേശം തേടി. ബില്ലുകൾ ഒരുകാരണവുമില്ലാതെ വെച്ച് താമസിപ്പിക്കുന്ന ഗവർണ്ണർക്കെതിരെ കോടതിയിൽ പോകാമെന്നായിരുന്നു ഉപദേശം. എന്നാൽ കോടതിയെ സമീപിച്ചാല് സ്ഥിതി വഷളാകുമെന്നും, പിന്നീട് ഗവര്ണറുമായി ആശയവിനിമയം പൂര്ണമായും ബുദ്ധിമുട്ടിലാകുമെന്നുമാണ് സര്ക്കാര് കരുതുന്നത്.