മാസപ്പടി വിവാദത്തില് വ്യക്തമായ പ്രതികരണം നല്കാതെ മന്ത്രി മുഹമ്മദ് റിയാസ്. വിവാദത്തില് സിപിഎം സംസ്ഥാന സെക്രട്ടറിയേറ്റ് നിലപാട് വ്യക്തമാക്കിയിയിട്ടുണ്ടെന്നും എത്ര തവണ ചോദ്യം ആവര്ത്തിച്ചാലും ഇതു തന്നെയാണ് ഉത്തരമെന്നും മന്ത്രി പറഞ്ഞു. മാധ്യമപ്രവർത്തകർ ഉടമകളുടെ താല്പര്യം സംരക്ഷിക്കാൻ ഇറങ്ങുകയാണെന്നും അദ്ദേഹം പറഞ്ഞു. സ്വാതന്ത്ര്യം ലഭിക്കാത്ത വിഭാഗമാണ് മാധ്യമപ്രവര്ത്തകരെന്നും ഉടമകളുടെ താല്പര്യം സംരക്ഷിക്കാന് ഇറങ്ങുകയാണെന്നും അദ്ദേഹം വിമര്ശിച്ചു. അവര്ക്ക് മനസാക്ഷി അനുസരിച്ച് പ്രവര്ത്തിക്കാനാകുന്നില്ല. അന്തിചര്ച്ചയുടെ സ്ഥാനം ചവറ്റു കൊട്ടയിലാണെന്ന് 2021 ലെ തിരഞ്ഞെടുപ്പ് തെളിയിച്ചു. വിവാദ വാര്ത്തകള്ക്കൊപ്പം ഇപ്പോള് കൊടുക്കുന്നത് തന്റെ ചിരിച്ചു കൊണ്ടുള്ള ചിത്രമാണ്. ഫോട്ടോഗ്രാഫറെ അയച്ചാല് പേടിച്ച മുഖമുള്ള ഫോട്ടോയ്ക്ക് വേണ്ടി പോസ് ചെയ്യാമെന്നും അദ്ദേഹം പരിഹസിച്ചു.
സിഎംആര്എല് കമ്പനി വീണ വിജയന് മാസപ്പടി നല്കിയെന്നും ഈ വിവരം മന്ത്രി തിരഞ്ഞെടുപ്പ് സത്യവാങ്മൂലത്തില് മറച്ചുവച്ചുവെന്നും ആരോപണം ഉയര്ന്നിരുന്നു. ഈ സാഹചര്യത്തിലാണ് മന്ത്രി ഇന്ന് മാധ്യമങ്ങള്ക്കെതിരെ രംഗത്ത് വന്നത്.
അതേസമയം മുഖ്യമന്ത്രി പിണറായി വിജയന്റെ മകള് വീണാ വിജയനെതിരായ മാസപ്പടി വിവാദത്തില് വിജിലന്സിന് പരാതി നൽകി. മുഖ്യമന്ത്രിയുടെ മകള് വീണ, മുഖ്യമന്ത്രി പിണറായി വിജയന് എന്നിവര്ക്കെതിരെ അന്വേഷണം വേണമെന്നാണ് പരാതിയിലെ ആവശ്യം. മുഖ്യമന്ത്രിയെന്ന പദവിയുടെ തണലിലാണോ മാസപ്പടി വാങ്ങിയതെന്ന് പരിശോധിക്കണമെന്നും കൊച്ചിയിലെ സിഎം ആര് എല് കമ്പനി പണം നല്കിയ രാഷ്ടീയ നേതാക്കള്ക്കെതിരെയും അന്വേഷണം വേണമെന്നും പരാതിയില് ആവശ്യപ്പെടുന്നു. കളമശേരി സ്വദേശി ഗിരീഷ് ബാബുവാണ് പരാതി നല്കിയത്. പരാതിയുടെ പകര്പ്പ് ഗവര്ണര് അടക്കമുള്ളവര്ക്ക് നല്കിയിട്ടുണ്ട്. പരാതിയില് വിജിലന്സ് ഡയറക്ടര് തുടര്നടപടി എടുത്തില്ലെങ്കില് കോടതിയെ സമീപിക്കുമെന്ന് ഗിരീഷ് ബാബു പറഞ്ഞു.