സംസ്ഥാന ചലച്ചിത്ര വികസന കോർപറേഷന്റെ (കെഎസ്എഫ്ഡിസി) ഡയറക്ടർ ബോർഡിൽനിന്നു നടി പാർവതി തിരുവോത്തിനെ ഒഴിവാക്കി സർക്കാർ ഉത്തരവിറക്കി. ബോർഡിൽനിന്നു തന്നെ ഒഴിവാക്കണമെന്ന് ആവശ്യപ്പെട്ട് പാർവതി ഇ മെയിൽ വഴി രണ്ടാഴ്ച മുമ്പ് കെഎസ്എഫ്ഡിസി മാനേജിങ് ഡയറക്ടർക്ക് കത്ത് നൽകിയിരുന്നു. ഭരണസമിതിയിൽ അംഗമായിരിക്കാൻ താത്പര്യമില്ലെന്നായിരുന്നു പാർവതി അറിയിച്ചിരുന്നത്. ഇതിന് പിന്നാലെയാണ് ഉത്തരവിറങ്ങിയത്.
ചില അംഗങ്ങളെ മാറ്റി കഴിഞ്ഞദിവസം ഭരണസമിതി പുനസംഘടിപ്പിച്ചിരുന്നു. ബോർഡ് അംഗങ്ങളായിരുന്ന ശങ്കർ മോഹൻ, നടി മാലാ പാർവതി എന്നിവരെ കഴിഞ്ഞ മാസം പുനസംഘടനയുടെ ഭാഗമായി നീക്കിയിരുന്നു. പകരം ക്യാമറമാൻ പി.സുകുമാർ, സംവിധായകനും നടനുമായ സോഹൻ സീനുലാൽ എന്നിവരെ ഉൾപ്പെടുത്തി. സംവിധായകൻ ഷാജി എൻ കരുണാണ് കെ എസ് എഫ് ഡി സി ചെയർമാൻ. എൻ മായയാണ് മാനേജിങ് ഡയറക്ടർ.