ദില്ലിയില് കോളേജ് വിദ്യാര്ത്ഥിനിയെ തലക്കടിച്ച് കൊലപ്പെടുത്തി. വെള്ളിയാഴ്ച രാവിലെ മാളവ്യനഗര് അരബിന്ദോ കോളജിനു പുറത്തായിരുന്നു കൊലപാതകം. കമല നെഹ്റു കോളജില് വിദ്യാര്ഥിനിയായ 25കാരി നര്ഗീസ് ആണു കൊല്ലപ്പെട്ടത്. സംഭവവുമായി ബന്ധപ്പെട്ട് 28കാരനായ സുഹൃത്ത് ഇര്ഫാനെ പൊലീസ് അറസ്റ്റ് ചെയ്തു. ഇരുവരും ബന്ധുക്കളാണെന്നും റിപ്പോര്ട്ടുണ്ട്. വിവാഹത്തിന് വിസമ്മതിച്ചതാണു കൊലപാതകത്തിനു കാരണമെന്നു പൊലീസ് പറഞ്ഞു.
തലയില് ഗുരുതരമായ പരുക്കേറ്റതായി പൊലീസ് അറിയിച്ചു. പാര്ക്കിലെ ബെഞ്ചില് രക്തം വാര്ന്ന നിലയിലാണു നര്ഗീസിന്റെ മൃതദേഹം കണ്ടെത്തിയത്. തുടര്ന്നു നടന്ന അന്വേഷണത്തില് ഇര്ഫാനെ അറസ്റ്റ് ചെയ്യുകയായിരുന്നു. വിവാഹ ആവശ്യം നിരസിച്ചതാണു പെണ്കുട്ടിയെ കൊല്ലാന് കാരണമെന്നു ഇര്ഫാൻ പൊലീസിനോടു പറഞ്ഞു. നര്ഗീസിന്റെ കുടുംബം വിവാഹത്തെ എതിത്തതോടെ നര്ഗീസ് ഇര്ഫാനോടു സംസാരിക്കാതായി. നര്ഗീസിന്റെ പെരുമാറ്റം ഇര്ഫാനെ അസ്വസ്ഥനാക്കി. ഈ വര്ഷം ബിരുദപഠനം പൂര്ത്തിയാക്കിയ നര്ഗീസ് മാളവ്യ നഗറില് കോച്ചിങ് ക്ലാസുകളില് പങ്കെടുത്തിരുന്നു. ഇവിടെ എത്തിയപ്പോഴാണ് ഇര്ഫാന് നര്ഗീസിനെ ആക്രമിച്ചു കൊലപ്പെടുത്തിയത്.