പത്തനംതിട്ടയില് ഒന്നരവര്ഷം മുന്പ് കാണാതായ ആളെ കൊന്ന് കുഴിച്ചുമൂടിയെന്ന് സംശയം. പത്തനംതിട്ട കലഞ്ഞൂർപാടം സ്വദേശി നൗഷാദിനെ ഒന്നര വർഷം മുമ്പാണ് കാണാതായത്. മൃതദേഹം കുഴിച്ച് മൂടിയെന്ന് കരുതുന്ന പറക്കോട് പരുത്തിപ്പാറയിൽ പൊലീസ് ഉടന് പരിശോധന നടത്തും. നൗഷാദിന്റെ ഭാര്യയെ പൊലീസ് കസ്റ്റഡിയിലെടുത്തു എന്നാണ് വിവരം. നൗഷാദിനെ കൊന്ന് മൃതദേഹം കുഴിച്ച് മൂടിയെന്നും പുഴയിലെറിഞ്ഞുവെന്നുമുള്പ്പെടെ, ഭാര്യ വ്യത്യസ്ത്യ മൊഴി നല്കിയെന്നാണ് പോലീസ് പറയുന്നത്. നിലവില് ഭാര്യ നല്കിയ മൊഴിയുടെ അടിസ്ഥാനത്തില് പറക്കോട് പരുത്തിപ്പാറയില് പോലീസ് ശാസ്ത്രീയ പരിശോധന ഉള്പ്പെടെ നടത്താന് ഒരുങ്ങുകയാണ്.
2021 നവംബറിലാണ് നൗഷാദിനെ കാണാനില്ലെന്ന പരാതിയില് പൊലീസ് കേസെടുത്തത്. നൗഷാദിന്റെ പിതാവ് നല്കിയ പരാതിയിലാണ് പൊലീസ് അന്ന് എഫ്ഐആര് രജിസ്റ്റര് ചെയ്തത്. ഈ കേസിലെ തുടരന്വേഷണത്തിനിടെ ഭാര്യയെ ചോദ്യം ചെയ്തപ്പോള് പൊലീസിന് ചില തോന്നിയ സംശയങ്ങളില് നിന്നാണ് കേസില് വഴിത്തിരിവ് ഉണ്ടാകുന്നത്.