ഉല്ലാസങ്ങളുടെ കൂടി നഗരമായ ദുബായിൽ വേനൽക്കാലവും ആസ്വാദ്യകരമാക്കാൻ വിവിധ പരിപാടികളാണ് ഒരുങ്ങുന്നത്. ഇതിനോടകം തന്നെ ദുബായ് പാർക്ക്സ് ആൻഡ് റിസോർട്ടിൽ വേനൽക്കാല ആഘോഷങ്ങൾ തുടങ്ങി. വേനൽക്കാലത്ത് കൂടുതൽ ആകർഷണീയമായ കൂളസ്റ്റ് സമ്മർ പാസ് എടുത്ത് വിനോദങ്ങൾക്ക് പുതിയ മാനങ്ങൾ നൽകുകയാണ് അധികൃതർ.
499 ദിർഹത്തിന് അവതരിപ്പിച്ച കൂളസ്റ്റ് സമ്മർ പാസിൽ ദുബായ് പാർക്ക്സിലെ മോഷൻഗേറ്റ്, ദ് ഗ്രീൻ പ്ലാനറ്റ്, റോക്സി സിനിമാസ്, നിയോൺ ഗാലക്സി, ഹബ് സീറോ ആർക്കേഡ് എന്നിവിടങ്ങളിലേക്ക് പ്രവേശനം ലഭിക്കും.
കൂളസ്റ്റ് സമ്മർ പാസെടുത്താൽ മോഷൻഗേറ്റിലെ സാഹസിക റൈഡുകളിൽ കയറാനും സിനിമ കാണാനും പ്രകൃതി സൗന്ദര്യം ആസ്വദിക്കാനും സാധിക്കും. സെപ്റ്റംബർ 30വരെ സമ്മർ പാസിന് കാലാവധിയുണ്ട്.
കുട്ടികൾക്കൊപ്പം ആയമാർ ഉണ്ടെങ്കിൽ അവർക്ക് 199 രൂപയുടെ പ്രത്യേക പാസും ലഭിക്കും. കുട്ടികളെയും മുതിർന്നവരെയും ഒരുപോലെ ആകരക്ഷിക്കുന്ന ഇവിടെ കൂളസ്റ്റ് സമ്മർ പാസുള്ളവർക്ക് കടകളിൽ നിന്നു സാധനങ്ങൾ വാങ്ങുമ്പോൾ 10% വിലക്കിഴിവും ലഭിക്കും. കൂടുതൽ വിവരങ്ങൾക്ക് dubaiparksandresorts.com സന്ദർശിക്കാം.
