ആസ്റ്റര്‍ ഡിഎം ഹെല്‍ത്ത് കെയര്‍ സ്ഥാപക ചെയര്‍മാനും, മാനേജിങ്ങ് ഡയറക്ടറുമായ ഡോ. ആസാദ് മൂപ്പന്‍ ദുബായ് സബീല്‍ പാലസില്‍ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമുമായി കൂടിക്കാഴ്ച നടത്തി.
ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിന് ഡോ. ആസാദ് മൂപ്പന്‍ ആശംസകള്‍ നേർന്നു. കാണാനും ആശംസകള്‍ അര്‍പ്പിക്കാനും അവസരം ലഭിച്ചതിൽ സന്തോഷമുണ്ടെന്ന് ഡോ. മൂപ്പന്‍ പറഞ്ഞു. ദീര്‍ഘ വീക്ഷണം നിറഞ്ഞ നേതൃത്വത്തിലൂടെ യുഎഇയെ സമാധാനത്തിന്റെയും സമൃദ്ധിയുടെയും മരുപ്പച്ചയാക്കാന്‍ ദൈവം ഹിസ് ഹൈനെസിനെ അനുഗ്രഹിക്കട്ടെയെന്നും ഡോ.ആസാദ് മൂപ്പന്‍ കൂട്ടിച്ചേര്‍ത്തു.