കാലവർഷം കേരളത്തിൽ എത്തിയതായി കേന്ദ്രകാലാവസ്ഥാ നിരീക്ഷണ വകുപ്പ് സ്ഥിരീകരിച്ചു. 24 . മണിക്കൂറിൽ കേരളത്തിൽ വ്യാപക മഴ പെയ്യും എന്നാണ് അറിയിച്ചിരിക്കുന്നത്. സംസ്ഥാനത്ത് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നും കാലാവസ്ഥ മുന്നറിയിപ്പ് നല്കി. പത്തു ജില്ലകളില് ശക്തമായ മഴയ്ക്ക് സാധ്യതയെന്നാണ് മുന്നറിയിപ്പ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, മലപ്പുറം, കണ്ണൂര് എന്നീ ജില്ലകളിൽ യെല്ലോ അലര്ട്ട് പുറപ്പടുവിച്ചു. അറബിക്കടലില് രൂപംകൊണ്ട ബിപോര്ജോയ് ചുഴലിക്കാറ്റ് അതി തീവ്രചുഴലിക്കാറ്റായി ശക്തി പ്രാപിച്ചു. നിലവിൽ ഗോവ തീരത്ത് നിന്ന് 860 കി.മീ അകലെയായുള്ള ബിപോർജോയ് ചുഴലിക്കാറ്റിന് മണിക്കൂറിൽ 160 കി.മീറ്റാണ് വേഗത.
ഒരാഴ്ച വൈകിയാണ് കേരളത്തിൽ കാലവർഷമെത്തുന്നത്. ജൂണ് നാലിന് തെക്കുപടിഞ്ഞാറന് കാലവര്ഷം എത്തുമെന്നായിരുന്നു നേരത്തെ അറിയിച്ചത്. കേരളത്തില് ശരാശരി മഴ ലഭിക്കുന്നതിനുള്ള എല്ലാ അന്തരീക്ഷ ഘടകങ്ങളും അനകൂലമാണെന്ന് കാലാവസ്ഥാ വകുപ്പ് പുറത്തിറക്കിയ കുറിപ്പില് പറയുന്നു.