തമിഴ്നാട് വനംവകുപ്പ്മയക്കുവെടി വെച്ച് പിടികൂടിയ അരിക്കൊമ്പനെ അപ്പര് കോതയാര് വനമേഖലയില് തുറന്നുവിട്ടു. ആനയുടെ ആരോഗ്യസ്ഥിതി മോശമായതിനാല് ചികിത്സ നല്കിയ ശേഷമാണ് തുറന്നുവിട്ടത്. കേരളത്തിലെ നെയ്യാര്, ശെന്തുരുണി വനമേഖലയോട് ചേര്ന്ന് കിടക്കുന്ന പ്രദേശത്താണ് അരിക്കൊമ്പനെ തുറന്നുവിട്ടിരിക്കുന്നത്.
ആനയെ കാട്ടിലേക്ക് തുറന്നുവിടുന്നതിനെ ചൊല്ലി കോടതി ഇടപെട്ടെങ്കിലും മയക്കം വിട്ടുണരുന്ന കാട്ടാനയെ ബന്ധിച്ച് സൂക്ഷിക്കുന്നതിലെ പ്രായോഗിക പ്രശ്നങ്ങളടക്കം വനംവകുപ്പ് അറിയിച്ചതോടെ ഹൈക്കോടതി ഇന്നലെ നിര്ദേശം മാറ്റി. ഒരു ദിവസമായി അനിമല് ആംബുലന്സിലായിരുന്നു ആന.
ചിന്നക്കനാലിൽ നിന്ന് പിടികൂടി പെരിയാർ കടുവാസങ്കേതത്തിൽ തുറന്നുവിട്ട കാട്ടാന കഴിഞ്ഞ കുറച്ചുദിവസമായി ഷണ്മുഖ നദി തീരത്തെ വനമേഖലയിലൂടെ സഞ്ചരിച്ചിരുന്നു . കമ്പത്ത് ഇറങ്ങി ഭീതി പരത്തിയതോടെയാണ് ആനയെ പിടികൂടാൻ തമിഴ്നാട് വനം വകുപ്പ് തീരുമാനിച്ചത്, കഴിഞ്ഞ ദിവസം പുലര്ച്ചയോടെ ജനവാസ കേന്ദ്രത്തിലിറങ്ങിയിരുന്നു. ഇതോടെ അരിക്കൊമ്പനെ മയക്കുവെടി വെയ്ക്കുകയായിരുന്നു. തേനി ജില്ലയിലെ പൂശാനം പെട്ടിക്കടുത്ത് വച്ചാണ് ആനയ്ക്ക് മയക്കുവെടിയേറ്റത്. തമിഴ്നാട് വനംവകുപ്പാണ് വെടിവെച്ചത്. ഇതോടെ ഒരു സ്വകാര്യ വ്യക്തിയുടെ സ്ഥലത്ത് ആന നിലയുറപ്പിക്കുകയായിരുന്നു. മൂന്ന് കുങ്കിയാനകളുടെ സഹായത്തോടെ ലോറിയില് കയറ്റിയ ആനയെ തിരുനെല്വേലിയിലേക്ക് കൊണ്ടുപോയി. രണ്ട് തവണ മയക്കുവെടിയേറ്റ ആനയ്ക്ക് ബൂസ്റ്റര് ഡോസും നല്കിയ ശേഷമാണ് കാലുകള് വടം ഉപയോഗിച്ച് ബന്ധിച്ചത്. തുടർന്നാണ് തുമ്പിക്കൈയിലെ മുറിവ് അടക്കം പരിഗണിച്ച് ചികിത്സ നൽകിയത്.