വന്ദേ ഭാരത് എക്സ്പ്രസിന് നേരെ കല്ലെറിഞ്ഞ സംഭവത്തില് താനൂർ സ്വദേശി മുഹമ്മദ് റിസ്വാനാണ് അറസ്റ്റിലായി. കളിക്കുന്നതിനിടെ സംഭവിച്ച പിഴവാണെന്നാണ് പ്രതിയുടെ മൊഴി. പൈപ്പ് കൊണ്ട് എറിഞ്ഞപ്പോൾ സംഭവിച്ചതാണും പ്രതി പൊലീസില് മൊഴി നല്കി. ഇയാളെ സ്റ്റേഷൻ ജാമ്യത്തിൽ വിട്ടയച്ചു.
മെയ് ഒന്നിന് വൈകീട്ട് 5.15 ഓടെയായിരുന്നു സംഭവം. കണ്ണൂരില് നിന്നും തിരുവന്തപുരത്തേയ്ക്ക് പോകുകയായിരുന്ന വന്ദേ ഭാരത് ട്രെയിനു നേരെയാണ് കല്ലേറുണ്ടായത്. മലപ്പുറം തിരൂര് സ്റ്റേഷന് സമീപത്ത് വച്ചായിരുന്നു സംഭവം. സി 4 കോച്ചിലാണ് കല്ലേറുണ്ടായത്. ട്രെയിനിന്റെ ചില്ലില് വിളളല് വീണിരുന്നു. ട്രെയിനിലെ ടി.ടിമാരാണ് സംഭവം റിപ്പോർട്ട് ചെയ്തത്. ട്രെയിന് ഷൊര്ണൂരിലെത്തിയപ്പോള് റെയില്വേ ഉദ്യോഗസ്ഥരെത്തി കോച്ച് പരിശോധിച്ച് വിള്ളലുണ്ടായ ഭാഗം ഇന്സുലേഷന് ടേപ്പുകൊണ്ട് ഒട്ടിച്ച ശേഷമാണ് യാത്ര തുടര്ന്നത്.