രാജ്യത്ത് കോവിഡ് -19 കേസുകളിൽ വീണ്ടും വർദ്ധനവ് രേഖപ്പെടുത്തി. ഏപ്രിൽ 25 ന് ഇന്ത്യയിൽ 6,660 പുതിയ കോവിഡ് -19 കേസുകളാണ് രേഖപ്പെടുത്തിയത്. എന്നാൽ കഴിഞ്ഞ 24 മണിക്കൂറിൽ 9,629 പുതിയ കേസുകൾ രേഖപ്പെടുത്തിയതായി കേന്ദ്ര ആരോഗ്യ മന്ത്രാലയം അറിയിച്ചു. 11,967 പേർ രോഗമുക്തി നേടിയതോടെ രോഗമുക്തി നേടിയവരുടെ എണ്ണം 4,43,23,045 ആയി ഉയർന്നതായി ആരോഗ്യ മന്ത്രാലയം അറിയിച്ചു. സജീവമായ കേസുകളുടെ എണ്ണം 61,013 ആണ്.
കോവിഡ് ബാധിച്ച് 29 മരണംകൂടി രേഖപ്പെടുത്തിയതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 5,31,398 ആയി ഉയർന്നു. മരിച്ച 29 പേരിൽ കേരളത്തിൽ 10, ഡൽഹിയിൽ ആറ്, മഹാരാഷ്ട്ര, രാജസ്ഥാൻ എന്നിവിടങ്ങളിൽ മൂന്ന് വീതവും ഹരിയാനയിലും ഉത്തർപ്രദേശിലും രണ്ട് വീതവും ഒഡീഷ, ഗുജറാത്ത്, ഛത്തീസ്ഗഢ് എന്നിവിടങ്ങളിൽ ഒന്ന് വീതവുമാണ് റിപ്പോർട്ട് ചെയ്തത്. മരണനിരക്ക് 1.18 ശതമാനവും രോഗമുക്തി നിരക്ക് 98.68ശതമാനവും ആണ്.