യുഎഇ വൈസ് പ്രസിഡന്റും, പ്രധാനമന്ത്രിയും, ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂം പ്രഖ്യാപിച്ച ‘ വണ് ബില്യണ് മീല്സ് എന്ഡോവ്മെന്റ്’ കാമ്പെയ്നിനെ പിന്തുണച്ച് ആസ്റ്റര് ഡിഎം ഹെല്ത്ത്കെയറിന്റെ സ്ഥാപകചെയര്മാനും, മാനേജിങ്ങ് ഡയറക്ടറുമായ ഡോ. ആസാദ് മൂപ്പന് 5 ദശലക്ഷം ദിര്ഹം സംഭാവന പ്രഖ്യാപിച്ചു.
ആഗോള തലത്തില് പട്ടിണിയെ അകറ്റുക എന്ന ലക്ഷ്യത്തോടെ ഷെയ്ഖ് മുഹമ്മദ് ബിന് റാഷിദ് അല് മക്തൂം നടപ്പാക്കുന്ന ഉദ്യമമാണ് വണ് ബില്യണ് മീല്സ് എന്ഡോവ്മെന്റെന്ന് ഡോ. ആസാദ് മൂപ്പന് പറഞ്ഞു. ലോകമെമ്പാടുമുള്ള ദശലക്ഷക്കണക്കിന് നിരാലംബരായ ആളുകള്ക്ക് ഭക്ഷ്യ കിറ്റുകള് നല്കികൊണ്ട് ദൈവം നമുക്ക് നല്കിയ അനുഗ്രഹങ്ങള്ക്ക് പകരമായി, സമൂഹത്തിന് തിരികെ നല്കാനുള്ള ഇത്തരം ശ്രമങ്ങളില് പങ്കെടുക്കേണ്ടത് നമ്മുടെ കടമയും ഉത്തരവാദിത്തവുമാണെന്ന് വിശ്വസിക്കുന്നതായും ഡോ. ആസാദ് മൂപ്പന് വ്യക്തമാക്കി. മറ്റുവള്ളവരോട് ദയ കാണിക്കുകയെന്നത് ഒരു ശീലമായി കാണേണ്ടതാണെന്ന സന്ദേശമാണ് ഇത് പകരുന്നതെന്നും അദ്ദേഹം കൂട്ടിച്ചേര്ത്തു.
യുഎഇ വൈസ് പ്രസിഡന്റും, പ്രധാനമന്ത്രിയും, ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂമിന്റെ നിര്ദേശപ്രകാരം സംഘടിപ്പിച്ച യുഎഇയുടെ മുന് റമദാന് കാമ്പെയ്നുകളായ 2020ലെ ’10 മില്യണ് മീല്സ്” കാമ്പെയ്നും, 2021 റമദാനിലെ ‘100 മില്യണ് മീല്സ്” കാമ്പെയ്നും 2022 റമദാനില് ആരംഭിച്ച ‘വണ് ബില്യണ് മീല്സ്’ കാമ്പെയിനിന്റെയും തുടര്ച്ചയായാണ് ഇത്തവണയും വിപുലമായ നിലയില് വണ് ബില്ല്യണ് മീല്സ് കാമ്പെയ്ന് സംഘടിപ്പിച്ചത്. 70,000-ലധികം പേര് സംഭാവനകള് നല്കിയ ഈ കാമ്പയ്ന് ഇതിനകം 404 മില്യണ് ദിര്ഹം സമാഹരിച്ചുകഴിഞ്ഞു.
കാമ്പെയ്നിന്റെ വെബ്സൈറ്റ് www.1billionmeals.ae, ടോള് ഫ്രീ നമ്പര് 800 9999 വഴിയുള്ള ഒരു സമര്പ്പിത കോള് സെന്റര് എന്നിവയുള്പ്പെടെ അഞ്ച് പ്രധാന ചാനലുകളിലൂടെ സ്ഥാപനങ്ങളില് നിന്നും വ്യക്തികളില് നിന്നും ‘വണ് ബില്യണ് മീല്സ് എന്ഡോവ്മെന്റ്” ഫണ്ടിലേക്കുള്ള സംഭാവനകള് നൽകാം. എമിറേറ്റ്സ് എന്ബിഡിയുടെ കാമ്പെയിന് ബാങ്ക് അക്കൗണ്ട് നമ്പറിലേക്ക് യുഎഇ ദിര്ഹമിലെ ബാങ്ക് ട്രാന്സ്ഫര് വഴിയും സംഭാവനകളയക്കാം. എസ്എംഎസ് വഴിയുള്ള സംഭാവനകള്, പ്രതിമാസ സബ്സ്ക്രിപ്ഷനിലൂടെ ദിവസേന ഒരു ദിര്ഹം സംഭാവന ചെയ്യുന്നതിനുള്ള ഓപ്ഷന് ഉപയോഗപ്പെടുത്തിയും ചെയ്യാം. ഡു ഉപയോക്താക്കള്ക്ക് ‘Meal’ എന്ന വാക്ക് 1020 എന്ന നമ്പറിലേക്കും, ഇത്തിസലാത്ത് ഉപയോക്താക്കള്ക്ക് 1110 എന്ന നമ്പറിലേക്കും എസ്എംഎസ് അയച്ചുകൊണ്ട് സംഭാവനകള് നല്കാം. DubaiNow ആപ്പ് വഴി കാമ്പെയ്നിലേക്ക് സംഭാവന നല്കാന് ആഗ്രഹിക്കുന്നവര്ക്ക് ”Donations” എന്ന ടാബില് ക്ലിക്കുചെയ്തും സംഭാവന നല്കാം.