കോട്ടയം: കോട്ടയം വയലായിൽ മെത്ത ഫാക്ടറിയിൽ തീപിടുത്തം ഉണ്ടായി. ഇന്ന്‌ ഉച്ചയ്ക്ക് 12.30 ഓടെയാണ് സംഭവം. അവധി ദിവസമായിരുന്നതിനാലും ഫാക്ടറി ജീവനക്കാർ ഇല്ലാതിരുന്നതിനാലും വൻ ദുരന്തം ഒഴിവായി. തീപിടുത്തത്തിൽ ഫാക്ടറി പൂർണമായും കത്തി നശിച്ചു.
റോയൽ ഫോം ഇൻഡസ്ട്രീസ് ഫാക്ടറിയിലാണ് തീപിടുത്തം ഉണ്ടായത്. തീയും പുകയും ഉയരുന്നത് കണ്ട നാട്ടുകാർ തീ കെടുത്താൻ ശ്രമിച്ചെങ്കിലും ചുറ്റും തകര ഷീറ്റ് കൊണ്ട് മറച്ചിരുന്നതിനാൽ അകത്തേക്ക് വെള്ളം ഒഴിച്ച് തീ കെടുത്താൻ സാധിച്ചില്ല. ഇതോടെ തീ ആളിപ്പടർന്നു. മെത്തനിർമ്മാണത്തിനായി ഉപയോഗിക്കുന്ന ഫോം, സ്പോഞ്ച്, കയർ തുടങ്ങിയവയിലേക്ക് തീപടർന്നതോടെ തീ വലിയ രീതിയിൽ ആളിപ്പടരാൻ തുടങ്ങി. അഗ്നിരക്ഷാ സേനയുടെ നാല് യൂണിറ്റ് സ്ഥലത്തെത്തിയാണ് തീ കെടുത്തിയത്