നൂതന കൃഷി രീതി പഠിക്കാനായി ഇസ്രായേലിലേക്ക് പോയ സംഘത്തിൽ ഉണ്ടായിരുന്ന കണ്ണൂർ ഇരിട്ടി സ്വദേശി ബിജു കുര്യൻ (48) നെയാണ് കാണാതായത്. സംഘത്തിൽ ഉണ്ടായിരുന്ന കൃഷി വകുപ്പ് പ്രിൻസിപ്പൽ സെക്രട്ടറി ബി. അശോക് ഇസ്രായേൽ പോലീസിലും എംബസിയിലും പരാതി നൽകി. അതെ സമയം കാണാതായ ബിജു കുര്യൻ കുടുംബവുമായി ബന്ധപ്പെട്ടു . സുരക്ഷിതനാണെന്നും തന്നെ അന്വേഷിക്കണ്ടെന്നും ബിജു ഭാര്യയോട് പറഞ്ഞു.
ബിജുവിന് അപകടം ഒന്നും സംഭവിച്ചിട്ടില്ലെന്നാണ് വിവരമെന്ന് കൃഷി മന്ത്രി പ്രതികരിച്ചു. എംബസിയിലും പൊലീസിലും പരാതി നൽകിയിട്ടുണ്ടെന്നും മന്ത്രി പി.പ്രസാദ് പറഞ്ഞു
ഫെബ്രുവരി 12നാണ് കൃഷിവകുപ്പ് പ്രിൻസിപ്പൽ സെക്രട്ടറിയും 27 തിരഞ്ഞെടുക്കപ്പെട്ട കർഷകർ അടങ്ങുന്ന സംഘവും ഇസ്രായേലിലേക്ക് പുറപ്പെട്ടത്. വെള്ളിയാഴ്ച രാത്രി മുതലാണ് ബിജു കുര്യനെ കാണാതായതെന്നാണ് വിവരം. പോലീസിൽ പരാതി നൽകിയ ശേഷം സംഘം നാട്ടിലേക്ക് തിരിച്ചു.