സ്നേഹ സമ്പന്നമായ കേരളപ്പെരുമ വീണ്ടെടുക്കുന്നതിനും നിലനിർത്തുന്നതിനുമുള്ള ശ്രമങ്ങളുടെ ഭാഗമായി യു എ ഇയിലുള്ള എല്ലാ വിഭാഗം ജനങ്ങളെയും പങ്കെടുപ്പിച്ചുകൊണ്ടുള്ള ബോധവത്കരണത്തിന് തുടക്കം കുറിച്ചതായി ഐ സി എഫ് ഭാരവാഹികൾ പറഞ്ഞു. 2023 ജനുവരി മുതൽ മാർച്ച് വരെ നടക്കുന്ന വൈവിധ്യമായ പരിപാടികളുടെ രണ്ടാം ഘട്ടം നടക്കുകയെന്നും ഐ സി എഫ് ഭാരവാഹികൾ ദുബൈയിൽ വാർത്താ സമ്മേളനത്തിൽ അറിയിച്ചു.
ക്യാമ്പയിന്റെ ഭാഗമായി സുസ്ഥിരകേരളത്തിന്ടെ അടിത്തറ എന്ന വിഷയത്തിൽ യു എ ഇ നാഷണൽ കമ്മിറ്റി സംഘടിപ്പിക്കുന്ന ഹാർമണി കോൺക്ലേവ് ഫെബ്രുവരി 18 ശനിയാഴ്ച രാത്രി 8.15 നു ഓൺലൈനായി നടക്കും. സൂം പ്ലാറ്റ്ഫോമിൽപ്രസിഡണ്ട് മുസ്തഫ ദാരിമി കടാങ്കോടിന്റെ അദ്ധ്യക്ഷതയിൽ നടക്കുന്ന പരിപാടി കേരള പൊതുമരാമത് വകുപ്പുമന്ത്രി പി എ മുഹമ്മദ് റിയാസ് ഉൽഘടനം ചെയ്യും. എസ് വൈ എസ് കേരള സ്റ്റേറ്റ് സെക്രട്ടറി റഹ്മത്തുള്ള സഖാഫി എളമരം വിഷയാവതരണം നടത്തും.
സ്നേഹ-സഹവർത്തിത്വത്തിനു വിഘാതമാവുന്ന തരത്തിൽ ചില ചിന്താഗതികളും സാമൂഹിക ജീവിതത്തെ ഭിന്നിപ്പിച്ച് പരസ്പര വിദ്വേഷം വളര്ത്താൻ ആസൂത്രിതമായ നീക്കങ്ങൾ നടക്കുന്നുണ്ടെന്ന ആശങ്കയുടെയും പശ്ചാത്തലത്തിലാണ് ഈ കാമ്പയിൻ നടത്തുന്നത്. നാട് സ്നേഹ സൗഹൃദത്താൽ സുരക്ഷിതമായി നിലനിൽക്കണമെങ്കിൽ എല്ലാതരം അപായങ്ങൾക്കെതിരെയും സമൂഹം ഉണർന്നിരിക്കണം. അത്തരമൊരു ഉണർത്തലാണ് ഐ. സി. എഫ്. സ്നേഹകേരളം കാമ്പയിനിലൂടെ നടത്തിക്കൊണ്ടിരിക്കുന്നത് എന്നും ഐ. സി. എഫ് ഭാരവാഹികൾ പറഞ്ഞു.
. .കാമ്പയിന്റെ രണ്ടാം ഘട്ടത്തിൽ പ്രവാസലോകത്ത് വ്യത്യസ്ത പരിപാടികൾ നടക്കും. മൂന്നാം ഘട്ടമായി കേരളത്തിലും വിപുലമായ പദ്ധതികളും രൂപപ്പെടുത്തിയിട്ടുണ്ട്. പരിപാടികളിൽ കേരളത്തിൽ നിന്നുള്ള മതമേലധ്യക്ഷന്മാർ, പണ്ഡിതന്മാർ, മന്ത്രിമാർ, സാഹിത്യകാരന്മാർ, സാമൂഹിക-സാംസ്കാരിക സംഘടന നേതാക്കൾ, തുടങ്ങിയവർ സ്നേഹ കേരളം വീണ്ടെടുക്കാനും നിലനിർത്താനുമുള്ള കാഴ്ചപ്പാടുകളും നിർദ്ദേശങ്ങളും അവതരിപ്പിക്കും. മാർച്ച് 17 വെള്ളിയാഴ്ച ഇന്റർനാഷണൽ തലത്തിൽ നടക്കുന്ന സമ്മേളനത്തോടെയായിരിക്കും സ്നേഹകേരളം ക്യാമ്പയിന് പരിസമാപ്തിയാവുക എന്നും ഭാരവാഹികൾ പറഞ്ഞു. വാർത്താസമ്മേളനത്തിൽ തിരുവത്ര ഐസിഎഫ് യുഎഇ നാഷണല് സംഘടന കാര്യ പ്രസിഡണ്ട് ഉസ്മാന് സഖാഫി, ഐസിഎഫ് യുഎഇ നാഷണല് ജനറല് സെക്രട്ടറി ഹമീദ് പരപ്പ, സലാം മാസ്റ്റർ, ഐസിഎഫ് യുഎഇ നാഷണല് വെല്ഫെയര് പ്രസിഡണ്ട് അബ്ദുല് കരീം ഹാജി തളങ്കര എന്നിവരും പങ്കെടുത്തു.