പ്രധാനമന്ത്രി നരേന്ദ്രമോദി ഇന്ന് മുംബൈയിലെത്തും. മുംബൈയിൽ രണ്ട് വന്ദേ ഭാരത് ട്രെയിനുകൾ ഫ്ലാഗ് ഓഫ് ചെയ്യും. ഇന്ന് വൈകിട്ട് നാലുമണിക്ക് ചത്രപതി ശിവജി മഹാരാജ് ടെർമിനൽ വച്ചാണ് പരിപാടി നടക്കുക. മുംബൈ – സോളാപൂർ, മുംബൈ – സായി നഗർ ശിർദി എന്നീ രണ്ടു ട്രെയിനുകളാണ് പ്രധാനമന്ത്രി രാജ്യത്തിന് സമർപ്പിക്കുക. രാജ്യത്തെ ഒമ്പതാമത്തെയും പത്താമത്തെയും വന്ദേഭാരത് ട്രെയിനുകളാണിവ.
കഴിഞ്ഞ ജനുവരി 19നും പ്രധാനമന്ത്രി നരേന്ദ്രമോദി കർണാടകയിലും മുംബൈയിലും എത്തുകയും വിവിധ വികസന പദ്ധതികൾ ഉദ്ഘാടനം ചെയ്യുകയും ചെയ്തു. മുംബൈ കോർപ്പറേഷൻ തിരഞ്ഞെടുപ്പ് അടുത്തിരിക്കുന്ന വേളയിൽ പ്രധാനമന്ത്രിയുടെ സന്ദർശനത്തിന് രാഷ്ട്രീയ പ്രാധാന്യവും ഉണ്ട്.