തിരുവനന്തപുരം എയര്‍പോര്‍ട്ടില്‍ ഒന്നര കിലോ വരുന്ന സ്വര്‍ണ്ണമിശ്രിതം പിടികൂടി. ഇന്നു പുലര്‍ച്ചെ മൂന്നു മണിയ്ക്ക് ദുബായില്‍ നിന്നും എത്തിയ വിമാനത്തില്‍ നിന്ന് എയര്‍കസ്റ്റംസാണ് സ്വര്‍ണ്ണം പിടികൂടിയത്. ആരാണ് സ്വര്‍ണ്ണം കൊണ്ടുവന്നത് എന്നതിനെക്കുറിച്ച് സൂചനകളില്ല. സ്വര്‍ണം കടത്തിയ ലോബിയ്ക്ക് വിമാനത്തില്‍ നിന്നും സ്വര്‍ണം പുറത്ത് കടത്താന്‍ കഴിഞ്ഞില്ല എന്നാണ് നിഗമനം.
വിമാനത്തിന്റെ സീറ്റിനടിയില്‍ നിന്നാണ് സ്വര്‍ണ്ണം പിടികൂടിയത്. 80 ലക്ഷം രൂപ വരുന്ന സ്വര്‍ണ്ണമാണ് പിടികൂടിയത്. വിമാനം നാല് മണിക്ക് തിരിച്ച് പോകേണ്ടതായിരുന്നു. ഇതിനിടയില്‍ രഹസ്യവിവരം കിട്ടിയതോടെയാണ് എയര്‍ കസ്റ്റംസ് വിമാനത്തില്‍ പരിശോധന നടത്തിയത്. എയര്‍ കസ്റ്റംസ് എത്തിയതോടെ സ്വർണ്ണ കടത്തുകാരുടെ ശ്രമങ്ങള്‍ പൊളിഞ്ഞു. എയര്‍ കസ്റ്റംസ് അന്വേഷണം തുടങ്ങി.