ഈ വർഷത്തെ സംസ്ഥാന ക്ഷീര കർഷക സംഗമമായ ‘പടവ് ‘ ഫെബ്രുവരി 10 മുതൽ 15 വരെ നടത്താൻ തീരുമാനമായി. കേരള വെറ്ററിനറി സർവകലാശാലയുടെ കീഴിലുള്ള മണ്ണുത്തി വെറ്ററിനറി കോളേജ് ക്യാമ്പസിൽ വച്ച് നടത്തുമെന്ന് മന്ത്രി കെ ചിഞ്ചു റാണി പറഞ്ഞു. പരിപാടി ഫെബ്രുവരി 13ന് രാവിലെ 10 മണിക്ക് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ചടങ്ങിൽ മികച്ച കർഷകനും, മികച്ച സംഘത്തിനും ഉള്ള അവാർഡ് ദാനചടങ്ങും ഉണ്ടായിരിക്കും.
മികച്ച കർഷകനുള്ള അവാർഡ് ഒരു ലക്ഷം രൂപയും പ്രശസ്തി പത്രവുമാണ്. മികച്ച ക്ഷീര കർഷകനുള്ള ക്ഷീര സഹകാരി അവാർഡ് സജു ജെ എസിന് മുഖ്യമന്ത്രി പിണറായി വിജയൻ നൽകും. മികച്ച ക്ഷീര സംഘത്തിനുള്ള ‘ഡോ വർഗീസ് കുര്യൻ അവാർഡ്’ മന്ത്രി കെ രാധാകൃഷ്ണൻ വിതരണം ചെയ്യും. ചടങ്ങിൽ മേഖലാ തല ക്ഷീരകർഷകരെയും, ജില്ലാതല ക്ഷീരകർഷകരെയും ആദരിക്കും.