പെഷാവറിൽ പോലീസ് ആസ്ഥാനത്തിന് തൊട്ടുതാഴെ മസ്ജിദിലുണ്ടായ ചാവേറാക്രമണത്തിൽ മരണം 100 കടന്നു. മരിച്ചവരിൽ 97 പേരും പോലീസ് ഉദ്യോഗസ്ഥരാണെന്നാണ് റിപ്പോർട്ട്.അതീവ സുരക്ഷാ മേഖലയിലാണ് ചാവേറാക്രമണം ഉണ്ടായത്. ആക്രമണം നടക്കുമ്പോൾ പള്ളിയ്ക്കുള്ളിൽ 400ൽ അധികം പേരുണ്ടായിരുന്നു. തെഹ്രിക് ഇ താലിബാൻ പാക്കിസ്ഥാൻ എന്ന സംഘടന സ്ഫോടനത്തിന്റെ ഉത്തരവാദിത്തം ഏറ്റെടുത്തിരുന്നു.
ചാവേറാക്രമണം നടന്ന പെഷവാറിലെ പള്ളിയില് രക്ഷാപ്രവര്ത്തനം തുടരുന്നതിനിടെ ചാവേര് എന്ന് സംശയിക്കുന്നയാളുടെ ഛേദിക്കപ്പെട്ട തല കണ്ടെടുത്തു. പ്രാർഥനയ്ക്കിടെ മുൻ നിരയിൽ ഉണ്ടായിരുന്ന ചാവേർ സ്വയം പൊട്ടിത്തെറിക്കുകയായിരുന്നു. പോലീസുകാരെയും സുരക്ഷാ ഉദ്യോഗസ്ഥരെയും ലക്ഷ്യമിട്ടായിരുന്നു ആക്രമണം. ടിടിപി ഭീകരാനയ ഖാലിദ് ഖൊറാസനി കഴിഞ്ഞ വർഷം വധിക്കപ്പെട്ടതിന്റെ പ്രതികാരമാണ് സ്ഫോടനമെന്നാണ് വിവരം. 2022 ഓഗസ്റ്റിൽ അഫ്ഗാനിസ്ഥാനിൽ കാറിനു നേരെയുണ്ടായ സ്ഫോടനത്തിലാണ് ഉമർ ഖാലിദ് ഖുറസാനി ഉൾപ്പെടെ 3 പേർ കൊല്ലപ്പെട്ടിരുന്നു.