പാലക്കാട് ധോണി പ്രദേശത്തെ കഴിഞ്ഞ 4 വർഷമായി വിറപ്പിച്ച വിറപ്പിച്ച കാട്ടുകൊമ്പന് നാട്ടുകാർ ഇട്ട പാലക്കാട് ടസ്കർ 7 ഇനി ധോണി എന്ന പേരിൽ അറിയപ്പെടും. വനം മന്ത്രി എ കെ ശശീന്ദ്രന് ആണ് പുതിയ പേരിട്ടത്. ധോണി എന്ന പ്രദേശത്തെ നന്നായി അറിയാവുന്ന കാട്ടാനയായതിനാലാണ് ധോണി എന്ന് പേരിട്ടത് എന്ന് മന്ത്രി പറഞ്ഞു.
ഏറെ ശ്രമകരമായ ദൗത്യത്തിന് 72 അംഗസംഘം അതി രാവിലെ പുറപ്പെട്ടു. രാവിലെ 4 മണിയോടെ ആനയെ കണ്ടെത്തുകയും അഞ്ചരയോടെ സംഘം തയ്യാറായി ആൺ നിന്നിരുന്നതിന്റെ അടുത്തെത്തി അനുകൂല സാഹചര്യത്തിനായി കാത്തിരുന്നു. ഏഴ് മൂന്നിന് മയക്കുവെടിവെച്ച ഒറ്റയാനെ മൂന്ന് കുംകിയാനകളുടെ സഹായത്തോടെ നാല് മണിക്കൂർ കൊണ്ടാണ് വനത്തിൽ നിന്ന് ധോണി ക്യാമ്പിൽ എത്തിച്ചത്. ചീഫ് വെറ്റിനറി സർജൻ ഡോ. അരുൺ സക്കറിയയുടെ നേതൃത്വത്തിൽ വെറും അമ്പത് മീറ്റർ അകലെനിന്ന് ആനയുടെ ചെവിക്ക് പിന്നിലേക്ക് മയക്കുവെടി ഉതിർക്കുകയായിരുന്നു.
കാട്ടിൽ മദിച്ച് നടന്ന കാട്ടാനയെ കുങ്കിയാനയാക്കും. ആനക്ക് ഇനി ചിട്ടയുടെ കാലമാണ്. ഒന്നിനെയും കൂസാതെ 2022 നവംബർ മുതൽ ഇടവേളകൾ ഇല്ലാതെ വിലസുകയായിരുന്ന പിടി 7 ഇപ്പോൾ ധോണി ക്യാമ്പിൽ 140 യൂക്കാലിപ്സ് മരം കൊണ്ട് ഉണ്ടാക്കിയ കൂട്ടിലാണ്. വലിയ അക്രമകാരിയായ ആന 2022 ജൂലൈ 8 എട്ടിന് പ്രഭാത സവാരിക്കിറങ്ങിയ മായാപുരം സ്വദേശി ശിവരാമനെ ചവിട്ടിക്കൊന്നിരുന്നു. ധോണി, മായാപുരം, മുണ്ടൂർ മേഖലകളിൽ നാല് വർഷം നാശമുണ്ടാക്കിയ കൊമ്പനാണ് ഒടുവില് പിടിയിലായത്. പി ടി സെവനെ പിടികൂടാനുള്ള ദൗത്യ സംഘത്തിൽപെട്ടവരെ ധോണി ക്യാംപിൽ പൊന്നാടയണിയിച്ച് ആദരിച്ചു.