സൂപ്പർ കാർ ബ്ലോണ്ടി എന്ന പേരിൽ സാമൂഹ്യമാദ്ധ്യമങ്ങളിലൂടെ പ്രസിദ്ധയായ അലക്സാണ്ട്ര മേരി ഹിർഷി ഇനി കൈമൻ ഐലൻഡ് ആസ്ഥാനമായി പ്രവർത്തിക്കുന്ന ബഹുരാഷ്‌ട്ര മൾട്ടി അസറ്റ് ബ്രോക്കറേജ് സ്ഥാപനമായ വാന്റേജ് ഇന്റർനാഷണലിന്റെ ബ്രാൻഡ് അംബാസഡറാവും.
ബ്രാൻഡ് അംബാസഡർ ആയി സൂപ്പർ കാർ ബ്ലോണ്ടിയുമായി പ്രവർത്തിക്കാൻ അവസരം ലഭിച്ചത്തിൽ ഞങ്ങളെല്ലാം അതീവ സന്തുഷ്ടരാണെന്നും അവരുടെ സാഹസികതയും സാങ്കേതികവിദ്യയോടുള്ള അഭിനിവേശവും അന്താരാഷ്‌ട്ര അംഗീകാരവും വാന്റേജ് എന്ന ബ്രാൻഡിന് ചെറുപ്പക്കാർക്കിടയിൽ അവബോധം വളർത്താൻ ഏറ്റവും യോജിച്ചതാണെന്നും വാന്റെജ്‌ ചീഫ് ട്രേഡിങ്ങ് ആൻഡ് സ്ട്രാറ്റജി ഓഫീസർ മാർക് ഡെസ്പിയേഴ്സ് പറഞ്ഞു.
വാന്റേജ് പോലെയുള്ള മാർക്കറ്റ് ലീഡറുമായി ചേർന്ന് സാമ്പത്തിക വിദ്യാഭ്യാസം നൽകുന്നതിലൂടെ സാമ്പത്തിക വിദ്യാഭ്യാസരംഗത്തിന്റെ നിലവാരം ഉയർത്തി ആളുകളുടെ സാമ്പത്തിക അവബോധം വർദ്ധിപ്പിക്കുന്നതിൽ അതീവ സന്തുഷ്ടയാണെന്നും വാന്റേജിന്റെ ഒത്തു ചേർന്ന് ഒരു സാമൂഹ്യമാറ്റത്തിനായുള്ള ഈ പ്രവർത്തനം അത്യന്തം ആവേശമുളവാക്കുന്നതാണെന്നും സൂപ്പർ കാർ ബ്ലോണ്ടി അലക്സാണ്ട്ര മേരി ഹിർഷി പറഞ്ഞു. ആളുകൾക്ക് പൂർണ്ണ സാമ്പത്തിക സ്വാശ്രയത്വം എന്നതാണ് 2023 ലെ തങ്ങളുടെ പ്രധാന ലക്‌ഷ്യമെന്നും അലക്സാണ്ട്ര മേരി ഹിർഷി കൂട്ടിച്ചേർത്തു .
പരമ്പരാഗതമായി പുരുഷ കേന്ദ്രീകൃതമായ വ്യവസായത്തിൽ 8 കോടിയിലേറെ ഫോളോവെഴ്‌സും ഒരു മാസം100 കോടിയിലേറെ വ്യൂസം സ്വന്തം ആയുള്ള സോഷ്യൽ മീഡിയ ഇൻഫ്ലുൻസറിന്റെ നിയമനം സ്ത്രീശാക്തീകരണത്തിനായും കാലാവസ്ഥവ വ്യതിയാനത്തിനെതിരെയും ഉള്ള വാന്റജിന്റെ നിലപാടുകളെ ശക്തിപ്പെടുത്തുമെന്നാണ് പ്രതീക്ഷിക്കുന്നത്. ഒരു ഓൺലൈൻ ബ്രോക്കറേജ് സ്ഥാപനവും ഒരു സാമൂഹ്യ മാദ്ധ്യമ പ്രസാധകയും തമ്മിലുള്ള കരാർ എന്ന നിലയിൽ ഒരു നാഴികകല്ല് എന്ന് വിശേഷിപ്പിക്കാവുന്ന ധാരണ പ്രകാരം വാന്റജിന്റെയും സൂപ്പർ കാർ ബ്ലോണ്ടിയുടെ എഡ്യൂക്കേഷൻ പ്ലാറ്റ്ഫോം ആയ എക്സ്പ്ലയിൻഡിലൂടെയും സാധാരണക്കാർക്ക് ഉതകുന്ന കാലികപ്രസക്തമായ സാമ്പത്തിക വിദ്യാഭ്യാസം ലഭ്യമാക്കാനും ലക്‌ഷ്യമിടുന്നുണ്ട്.