ഇന്ന് പുലർച്ചെ ജമ്മു കശ്‌മീരിലെ ബുദ്ഗാം ജില്ലയിൽ സുരക്ഷാസേനയും തീവ്രവാദികളും തമ്മിലുണ്ടായ ഏറ്റുമുട്ടലിൽ രണ്ട് ഭീകരരെ വധിച്ചു. ബുദ്ഗാം നഗരത്തിലെ ജില്ലാകോടതി സമുച്ചയത്തിന് സമീപമാണ് ഏറ്റുമുട്ടലുണ്ടായതെന്ന് ഉദ്യോഗസ്ഥർ അറിയിച്ചു. കശ്‌മീർ പോലീസും, സുരക്ഷാസേനയും സംയുക്തമായി നടത്തിയ തിരച്ചിലിനിടയിൽ സംശയാസ്‌പദമായ നിലയിൽ വാഹനം കണ്ടെത്തുകയായിരുന്നു. തുടർന്ന് പരിശോധനക്കായി വാഹനം തടഞ്ഞപ്പോൾ ഭീകരർ വെടിയുതിർക്കുകയായിരുന്നു. ഇതിന് പിന്നാലെ സുരക്ഷാ സേന തിരിച്ചടിച്ചു.
