മുതിര്‍ന്ന കോണ്‍ഗ്രസ് നേതാവ് അജയ് മാക്കന്‍ ചുമതല ഒഴിഞ്ഞേക്കും

മുതിര്‍ന്ന കോണ്‍ഗ്രസ് നേതാവ് അജയ് മാക്കന്‍ രാജസ്ഥാന്‍ കോണ്‍ഗ്രസിന്റെ സംഘടന ചുമതലയില്‍ നിന്നും മാറ്റണമെന്നാവശ്യപ്പെട്ട്ദേശീയ അധ്യക്ഷന്‍ മല്ലികാര്‍ജുന്‍ ഖാര്‍ഗെക്ക് കത്തെഴുതി. രാജസ്ഥാന്‍ കോണ്‍ഗ്രസിലെ സംഘടന പ്രശ്‌നങ്ങള്‍ പരിഹരിക്കാനാകാത്തതും സെപ്തംബര്‍ 25 ന് നടന്ന നിയമസഭ കക്ഷി യോഗ ബഹിഷ്‌കരണവുമാണ് അജയ് മാക്കനെ രാജി സന്നദ്ധതയിലേക്ക് നയിച്ചത്. ഖാര്‍ഗെ ചുമതലയേല്‍ക്കുമ്പോള്‍ തന്നെ മറ്റ് ജനറല്‍ സെക്രട്ടറിമാര്‍ക്കൊപ്പം അജയ് മാക്കന്‍ രാജിവച്ചിരുന്നു. എന്നാല്‍, രാജസ്ഥാന്‍ കോണ്‍ഗ്രസിന്റെ സംഘടനാ ചുമതലയില്‍ അജയ് മാക്കാന്‍ തുടരുകയായിരുന്നു. സെപ്തംബര്‍ 25 ന് നടന്ന രാഷ്ട്രീയ സംഭവവികാസങ്ങളാണ് രാജി നീക്കത്തിന് കാരണമെന്ന് അജയ് മാക്കന്‍ ചൂണ്ടിക്കാട്ടി.