എയർ ഇന്ത്യ എക്സ് പ്രസ്​ വിമാനം അടിയന്തരമായി തിരിച്ചിറക്കി

മസ്കറ്റ്: തിരുവനന്തപുരത്തേക്ക്​ പുറപ്പെട്ട എയർ ഇന്ത്യ എക്സ് പ്രസ്​ വിമാനം പറന്നുയർന്ന്​ ഏകദേശം 45 മിനിറ്റിന്​ ശേഷം​ അടിയന്തരമായി മസ്കത്ത്​ അന്താരാഷ്ട്ര വിമാനത്താവളത്തിൽ തിരിച്ചിറക്കി. സാ​ങ്കേതിക തകരാറാണ്​ വിമാനം അടിയന്തരമായി തിരിച്ചിറക്കാൻ കാര​ണമെന്നാണ്​ അധികൃതർ നൽകുന്ന വിശദീകരണം. ഇന്ന് വൈകുനേരം നാലരയോടെയായിരുന്നു സംഭവം. ഫയർ ഫോഴ്​സ്​, സുരക്ഷ ഉദ്യോഗസ്ഥരടക്കം സ്​ഥലത്തെത്തിയിരുന്നു. കുട്ടികളും സ്ത്രീകളുമടക്കം ഏകദേശം 160ഓളം യാത്രക്കാരാണ്​ വിമാനത്തിലുള്ളത്.